Goa: साळमधील परिस्‍थिती पूर्वपदावर
Goa: Temple Cleaning in Saal.Dainik Gomantak

Goa: साळमधील परिस्‍थिती पूर्वपदावर

पुराच्या पाण्यामुळे अनेकांच्या घरात चिखल साचला (Flood In Goa). त्यामुळे पूर्ण रात्र लोकांनी साफसफाई केली.

साळ : तिळारी धरणातील (Tilari Dam) पाण्याच्या विसर्गामुळे व अतिवृष्टीमुळे साळमध्ये पूर (Flood in Goa) आला. अनेकांच्‍या घरात पाणी शिरले. परंतु आता येथील परिस्‍थिती पूर्वपदावर आली आहे. पुराच्या पाण्यामुळे ज्यांच्या घरात पाणी शिरले त्यांच्या घरात चिखलाचा थर साचला. त्यामुळे पूर्ण रात्र लोकांनी साफसफाई केली. परंतु जमीन ओली झाल्यामुळे झोपणे कठीण होऊन गेले. काही कुटुंबांनी शेजाऱ्यांकडे आश्रय घेतला, तर काही घरांत चूल पेटली नाही. डिचोलीचे मामलेदार श्री. पंडित यांच्या आदेशानुसार, तलाठी श्री. चोपडेकर यांनी अशा कुटुंबांच्‍या भोजनाची व्यवस्था केली. पंच प्रकाश राऊत व तलाठी श्री. चोपडेकर यांनी अशा कुटुंबांपर्यंत भोजन पोहोचवण्याची व्यवस्था केली होती.

Goa: Temple Cleaning in Saal.
Goa: 'तिळारी' शांत, जलविसर्गाचा धोका नाही

तसेच काल संध्याकाळपर्यंत अग्निशमन दलाचे जवान, देवस्थान समिती व युवकांनी श्री भूमिका, श्री रवळनाथ, श्री वेताळ, श्री महादेव मंदिरात साचलेला गाळ व मातीचा थर धुऊन काढला. तसेच गोविंद परब यांच्या घरासमोरील रस्त्यावर, श्री महादेव मंदिर प्रांगण तसेच भूमिका मंदिर परिसरात मोठ्या प्रमाणात कचरा, माती आणि शेणाचे थर साचले होते. ते पाण्याने धुऊन काढण्यात आले. यात अग्निशामक दलाचे जवान रूपेश पळ, बाबुली मांजरेकर, प्रवीण नाईक, फोंडू देसाई व संदीप नाईक यांनी अविरतपणे कष्ट घेतले. त्यांना महादेव भूमिका देवस्थानचे अध्यक्ष कालिदास राऊत, सचिव विशाल परब, दत्ताराम परब तसेच महाजन व युवा नेते मेघश्याम राऊत, गुरू नाईक, सुरेश परब, अशोक परब, मुकुंद परब व अन्य युवकांनी मदत केली.

शेती-बागायतीत साचलेय पाणी

शेती व बागायतीतील पाणी अजूनही मोठ्या प्रमाणात साठून आहे. वाहून गेलेल्‍या भाताच्या रोपांच्या ठिकाणी दुसरी लावणी करण्यास शेतकरी अजून शेतात उतरलेला नाही. पण, पाण्यात अडकलेले पॉवर टीलर शेतकऱ्यांनी ओढत सुरक्षित ठिकाणी हलवले. केळी बागायतीत तर अजूनही बागायतदार गेलेला नाही. कारण केळी बागायतीची स्थिती न बघण्यासारखी झाली आहे.

Goa: Temple Cleaning in Saal.
Goa: नार्वेत झाड कोसळल्याने तीन घरांची मोडतोड; अनर्थ टळला

Related Stories

No stories found.
Dainik Gomantak
www.dainikgomantak.com