Vijai Sardesai: ‘सोनसोडो कचरा विल्हेवाटी संदर्भात मी खुल्या चर्चेस तयार’

Vijai Sardesai: आपल्याला सोनसोडोसंदर्भात काहीच माहीत नाही असे त्यांनी म्हणणे चुकीचे आहे.
Vijay Sardesai | Goa News
Vijay Sardesai | Goa News Dainik Gomantak

Vijai Sardesai: सोनसोडो कचरा विल्हेवाटीसंदर्भात जे प्रश्र्न आज उपस्थित होत आहेत त्यास मडगावचे आमदार दिगंबर कामत व त्यांचे नगरपालिकेतील नगरसेवक जबाबदार असल्याचे फातोर्ड्याचे आमदार विजय सरदेसाई यांनी आज मडगावात पत्रकारांना सांगितले.

कॉंग्रेसमधून भाजपमध्ये गेल्यावर व नगरपालिका पूर्णपणे त्यांच्या हातात आल्यावर पूर्वीच्या नगरसेवकांनी चुका केल्या असे म्हणणे कामत यांना शोभत नाही. आपल्याला सोनसोडोसंदर्भात काहीच माहीत नाही असे त्यांनी म्हणणे चुकीचे आहे.

गेली 20 ते 25 वर्षे मडगाव नगरपालिकेचे नगरसेवक दिगंबर कामत यांच्याच हातात आहेत. त्यामुळे सोनसोडोसंदर्भात जे प्रश्र्न उपस्थित झाले आहेत त्याला कामत जबाबदार नाहीत का? असा सवाल सरदेसाई यांनी उपस्थित केला.

आपल्यावर जे नाहक आरोप करण्यात येत आहेत, त्यासंदर्भात खुली चर्चा करण्यास आपण तयार आहे. ही चर्चा मडगावातच व्हावी असा हट्टही आपला आहे. मी दर पाच वर्षांनी येणाऱ्या निवडणुकीच्या परीक्षेत तीन वेळा उत्तीर्ण झालो आहे, तर फातोर्ड्याचे काम भाजपच्या एका नेत्याने केले असे म्हणत कामत जे सांगत आहेत, तोच नेता तीनदा नापास झाला आहे, हे कामत यांनी लक्षात ठेवावे, असेही सरदेसाई म्हणाले.

Vijay Sardesai | Goa News
Goa News: विजय सरदेसाईंचा इशारा 'खरी कुजबुज'

कॉमेक्सनंतर फॉमेंतो कंपनीना सोनसोडो कचरा प्रकल्पाचे कंत्राट देण्यास कोण जबाबदार आहे हे मडगावकरांना व फातोर्डेकरांना सांगण्याची गरज नसल्याचेही ते म्हणाले.

‘निधीअभावी मार्केटचे स्थलांतर रखडले’

घाऊक मासळी मार्केटचे तात्पुरचे स्थलांतर लांबणीवर का पडले या प्रश्र्नाला उत्तर देताना विजय सरदेसाई यांनी सांगितले, की मार्केट स्थलांतरासाठी जी जागा शोधली आहे, त्या जागेवर साधन सुविधा तयार करण्यासाठी अंदाजे 1.5 कोटी रुपयांची आवश्यकता आहे व तेवढीही रक्कम सरकारी तिजोरीत नाही. म्हणूनच हे काम लांबणीवर पडले आहे. जसजसे स्थलांतर लांबणीवर पडत जाईल तसतसा बांधकामाचा खर्च आणखी वाढणार आहे, असे सरदेसाई यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com