पणजी: कारोणा हळदोणे येथे खासगी क्रीडा संकुल उभारण्यासाठी खोटा अहवाल नगर नियोजन खात्याच्या अधिकाऱ्यांकडून तयार करण्यात आल्याचा प्रकार हळदोण्याचे आमदार ग्लेन टिकलो यांनी आज विधानसभेत उघड केला.
ते म्हणाले, कोमुनिदाद जमीन तेथे आहे. ती क्रीडांगणासाठी राखीव ठेवण्यात आलेली आहे. त्यावर खासगी क्रीडा संकुल उभारण्यासाठी प्रयत्न झाला. नगर नियोजन खात्याने या प्रकल्पाला तांत्रिक मंजुरी दिली होती. मात्र या प्रकल्पाला ग्रामसभेत विरोध करण्यात आला त्यानंतर तांत्रिक परवानगी मागे घेतलेली आहे. त्या ठिकाणी जाण्यासाठी पाच मीटर रुंद रस्ता असतानाही तो आठ मीटर आहे असे नगर विकास खात्याच्या अधिकाऱ्यांनी दाखवले त्यामुळे परवानगी मिळणे सोपे झाले. चुकीचा अहवाल देणाऱ्या अधिकाऱ्यावर कारवाई झाली पाहिजे. यावर उपमुख्यमंत्री चंद्रकांत उर्फ बाबू कवळेकर म्हणाले की, दिलेली तांत्रिक मंजुरी मागे घेतलेली आहे. संबंधित याप्रकरण आता न्यायालयात गेले आहेत. लोकांना तिथे तसा प्रकल्प नको असेल तर सरकार परवानगी देणार नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.