पणजी: शाळांत मध्यान्ह आहार पुरवण्यासाठी महिला स्वयंसेवी गटांकडून दरपत्रक मागवण्यात आले आहे. सरकार अशा गटांकडे माध्यान्ह आहार पुरवण्याचे काम सोपवण्याचा विचार करत आहे, असे निवेदन मुख्यमंत्री प्रमोद सावंत यांनी आज विधानसभेत केले. मडकईचे आमदार सुदिन ढवळीकर यांनी हा विषय उपस्थित केला होता.
ते म्हणाले कोविड महामारीच्या काळात शाळांना माध्यान्ह आहार पुरवणे बंद झाले आहे. यामुळे महिला स्वयंसेवी गटांचे काम बंद झाले आहे. हे गट आर्थिक संकटात आहेत. सरकारने याचा विचार केला पाहिजे. स्वयंरोजगार करणाऱ्या महिला आज बेरोजगार झाल्या आहेत. पूर्वी भाजप सरकारच्या काळातच हे गट स्थापन करण्यात आलेले आहेत. केंद्र सरकार आत्मनिर्भर भारताची निर्मिती करू पाहत आहे त्या विरोधातील हे वातावरण आहे. त्यामुळे सरकारने हस्तक्षेप करून या गटांना काम मिळेल याची व्यवस्था करायला हवी.
काणकोण येथे सरकारी जमिनीवर सरकारने बांधलेल्या इमारतीत असलेल्या महाविद्यालयास एका खाजगी व्यक्तीने आपले नाव दिल्याचा प्रकार बाणावलीचे आमदार चर्चिल आलेमाव यांनी आज विधानसभेत उघड केला. ते म्हणाले सरकारी महाविद्यालयाला खासगी व्यक्तीचे नाव कसे देता येईल, कारण ती इमारत सरकारने सरकारच्या जमिनीवर बांधलेली आहे. सरकारच्या पैशाने बांधलेल्या इमारतीला खासगी व्यक्तीचे नाव देण्याच्या या प्रकरणाची चौकशी करण्यात यावी. यावर मुख्यमंत्री डॉ प्रमोद सावंत यांनी शिक्षण संचालक आणि उच्च शिक्षण संचालकांना अशा राज्यभरातील प्रकरणांची चौकशी करण्याचा आदेश आपण देत आहे असे नमूद केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.