Goa PSI Recruitment Scam: उपनिरीक्षक भरती घोटाळा; गृह मंत्रालयाकडून दखल

राज्यात पोलिस उपनिरीक्षकपदाच्या भरतीत गैरव्यवहाराची तक्रार गोवा फॉरवर्ड पक्षाने केली होती. याची केंद्रीय गृह मंत्रालयाने दखल घेतली
Goa PSI Recruitment Scam
Goa PSI Recruitment ScamDainik Gomantak

Goa PSI Recruitment Scam: राज्यात पोलिस उपनिरीक्षकपदाच्या भरतीत गैरव्यवहाराची तक्रार गोवा फॉरवर्ड पक्षाने केली होती. याची केंद्रीय गृह मंत्रालयाने दखल घेतली असून या तक्रारींची सखोल चौकशी करावी, अशी सूचना राज्य सरकारच्या सार्वजनिक तक्रार नियंत्रण खात्याला केली आहे.

नियत्रंण खात्याने पोलिस महासंचालक, दक्षता विभागाकडे ही तक्रार पाठवून याच्या चौकशीचा अहवाल 15 दिवसांत सादर करा, असा आदेश दिला आहे.

गोवा फॉरवर्डचे अध्यक्ष विजय सरदेसाई यांनी सांगितले, की गोव्यात उपनिरीक्षक भरती करताना शारीरिक चाचणीत दोघेजण नापास होऊनही त्यांना उत्तीर्ण करण्यात आले होते.

त्याशिवाय आणखी सहाजण जे पोलिस शिपायांसाठी घेतलेल्या परीक्षेत नापास झाले तेच दुसऱ्या दिवशी उपनिरीक्षक पदासाठी घेतलेल्या परीक्षेत उत्तम गुणांनी पास झाले होते.

या संदर्भात राज्य सरकारकडे गोवा फॉरवर्ड पक्षाने केलेल्या तक्रारींची दखल न घेतल्याने शेवटी सरदेसाई यांनी केंद्रीय गृहमंत्री अमित शहा यांना पत्र लिहिले होते.

Goa PSI Recruitment Scam
Goa Accident : अपघात सत्र सुरूच; 24 तासांत 5 अपघातबळी

आमच्या तक्रारीची गृहमंत्री अमित शहा यांनी दखल घेतल्याने मी त्यांचा आभारी आहे. त्यांच्या आदेशानुसार होणारी चौकशी डोळ्यांना पाणी लावण्यापुरती असू नये.

यापूर्वी कर्नाटकमध्ये झालेल्य अशाच स्वरुपाच्या घोटाळ्यात दोषींना तुरुंगावास झाला आहे. गोव्यातही तसेच व्हावे. अन्यथा या बाबतीतही आम्ही कर्नाटकच्या मागेच राहू, - विजय सरदेसाई, आमदार, गोवा फॉरवर्ड

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com