Goa: डिचोलीतील 'कृत्रिम तळे' वादाच्या भोवऱ्यात

बांधकाम बेकायदा असल्याची माजी उपनगराध्यक्षांची पालिकेत तक्रार (Goa)
Workers constructing 'Artificial Lake' in Bicholin (Goa)
Workers constructing 'Artificial Lake' in Bicholin (Goa)Dainik Gomantak

डिचोली शहरातील (Bicholim city) गृहनिर्माण वसाहतीत (Housing Colony) गणेश विसर्जनासाठी बांधण्यात येणारे 'कृत्रिम तळे' (Artificial Lake for immersion of Ganesha) आता वादाच्या भोवऱ्यात अडकले आहे. गृहनिर्माण मंडळाने आरक्षित करून ठेवलेल्या जागेत बेकायदेशीररित्या हे तळे बांधण्यात येत असल्याचा दावा डिचोलीचे माजी उपनगराध्यक्ष (Former Deputy Mayor) भगवान हरमलकर यांनी करून, तशी लेखी तक्रार बुधवारी (ता.18) डिचोली पालिकेत केली आहे. या बेकायदा बांधकामा विरोधात कारवाई करावी. अशी मागणीही त्यांनी केली आहे. गेल्या महिन्यात गृहनिर्माण मंडळ सोसायटीतर्फे या बांधकामा संदर्भात पालिकेत निवेदन देण्यात आले आहे. पालिका मंडळाच्या बैठकीतही या विषयावर चर्चा झालेली आहे. आता माजी उपनगराध्यक्षाने तक्रार केल्याने या बांधकामा संदर्भात पालिका आता कोणता निर्णय घेते, ते पहावे लागेल. दरम्यान, कृत्रिम तळे ही तात्पुरती व्यवस्था असून, या प्रकल्पाला गृहनिर्माण वसाहतीतील गणेशभक्तांचा पाठींबा आहे. असे या भागाचे नगरसेवक (Corporator) विजयकुमार नाटेकर यांनी स्पष्ट केले आहे.

Workers constructing 'Artificial Lake' in Bicholin (Goa)
Goa: पणजी मनपा व दुकानदार यांच्यातील संघर्ष पेटणार

गृहनिर्माण वसाहतीतील काही गणेशभक्त आतापर्यंत तेथीलच एका विहिरीत गणपती विसर्जन करीत आले आहेत. मात्र विहिरीत गणपती विसर्जन करताना येणारी अडचण लक्षात घेवून 'कृत्रिम तळे' उभारण्याची संकल्पना पुढे आली आहे. एकाचवेळी जवळपास 30 गणपतींच्या मूर्ती विसर्जित करणे शक्य व्हावे. असे नियोजन करून हे तळे उभारण्याचा प्रस्ताव आहे. गृहनिर्माण वसाहतीतील मोकळ्या जागेत या तळ्याच्या बांधकामास सुरवातही झाली आहे.

Workers constructing 'Artificial Lake' in Bicholin (Goa)
Goa: डिचोली साप्ताहिक बाजारातील विक्रेत्यांना पालिकेने हाकलले

बांधकाम बेकायदा

गृहनिर्माण मंडळाने भूखंड देताना नगरनियोजन खात्याच्या नियमानुसार वसाहतीत 33 टक्के जागा खुली ठेवलेली आहे. मात्र या जागेत बेकायदेशीरपणे बांधकाम करण्यात येत आहे. गृहनिर्माण वसाहत संघटनेने वीस दिवसांपूर्वी पालिकेत निवेदन दिलेले आहे. मात्र अद्याप कोणतीच कारवाई करण्यात आलेली नाही. आतापर्यंत ज्या विहिरीत गणपती विसर्जन करण्यात येत आहे, त्या वसाहतीतील विहिरीच्या दुरुस्तीपोटी लाखो रुपये खर्च करण्यात आलेले आहेत. सध्या विहिरीची वाताहात झालेली आहे.

- भगवान हरमलकर, माजी उपनगराध्यक्ष.

Workers constructing 'Artificial Lake' in Bicholin (Goa)
Goa: केरी सत्तरीत टँकरने ठोकरल्याने इसमाचा मृत्यू

गणेशभक्तांचा पाठींबा

गृहनिर्माण वसाहतीतील गणेशभक्तांची गणपती विसर्जनावेळी होणारी अडचण लक्षात घेवून ही तात्पुरती व्यवस्था करण्यात येत आहे. मागील महिन्यात झालेल्या गृहनिर्माण वसाहतीतील गणेशभक्त नागरिकांच्या बैठकीत गणेशभक्तांनी या संकल्पनेला पाठींबा दिला आहे. या प्रकल्पासाठी गणेशभक्तांकडूनच निधी उभारण्यात येत आहे.

-विजयकुमार नाटेकर, नगरसेवक.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com