गवाणे येथील एका मिनी पुलाचा कठडा कोसळल्यामुळे वाहतुकीस व्यत्यय

सत्तरीतील जवळपास सर्व साकव व मिनी पूल धोकादायक अवस्थेत
गवाणे येथील एका मिनी  पुलाचा कठडा कोसळल्यामुळे वाहतुकीस व्यत्यय
Goa: धोका ओळखण्यासाठी ठेवण्यात आलेल्या बेरीकेडदैनिक गोमन्तक

Guleli: वाळपई मतदार संघातील (Valpoi constituency) खोतोडा पंचायत क्षेत्रातील गवाणे येथील मिनी पुलाचा (mini bridge) एका बाजूचा मातीचा भाग कोसळला असून या रस्त्यावरून वाहतूक करणे आता धोकादायक (Dangerous Bridge) बनले आहे.

वाळपई खोतोडा मोले दरम्यानच्या या रस्त्यावर असलेल्या गवाणे येथील एका मिनी पुलाचा कठडा कोसळल्यामुळे वाहतुकीला व्यत्यय निर्माण झालेले आहे . या मिनी पुलाच्या बाजूचा मातीचा भराव गेल्या काही दिवसांपासून पडणाऱ्या पावसाच्या पाण्याबरोबर कोसळला असून सध्या या ठिकाणी बेरीकेड व धोका दर्शवीणारे अन्य साधने लावून वाहनचालकांना या संदर्भात माहिती व्हावी अशी व्यवस्था करण्यात आली आहे.

गवाणे खोतोडा येथे असलेल्या मिनी पुलाच्या बाजूची माती कोसळल्याने धोका निर्माण झाला आहे
गवाणे खोतोडा येथे असलेल्या मिनी पुलाच्या बाजूची माती कोसळल्याने धोका निर्माण झाला आहेदैनिक गोमन्तक

मिळालेल्या माहितीनुसार सोमवारी रात्री सदर घटना घडली एका बाजूची माती पूर्णपणे कोसळली असून या रस्त्यावरून वाहतूक करणे धोकादायक बनले आहे. या रस्त्यावरून मोले,साकोर्डा,तांबडीसुर्ल आदी भागात मोठ्या प्रमाणात लोक तसेच पर्यटक जात असल्याने सदर पुलाच्या एका बाजूला असलेल्या भागाची माती कोसळल्याने धोका निर्माण झाला आहे.

अवजड वाहनांचीसुध्दा या भागातून मोठ्या प्रमाणात वाहतूक होत असल्याने अधिक धोका निर्माण झाला आहे. तरी सार्वजनिक बांधकाम खाते रस्ता विभागाने लवकरात लवकर या ठिकाणी उपाययोजना करणे गरजेचे आहे असे जाणकार नागरिकांचे मत आहै.

Goa: धोका ओळखण्यासाठी ठेवण्यात आलेल्या बेरीकेड
बुल ट्रॉलिंगला रोखण्यात मत्स्यव्यवसाय विभाग अपयशी: एग्नेलो रॉड्रिग्स

सत्तरीतील सर्व साकव धोकादायक

मागील जुलै महिन्यात पडलेल्या पावसात पैकुळ येथील पूल वाहून गेला तशाच प्रकारे अशे छोटे छोटे साकव मिनी पुल धोकादायक बनले आहेत . अनेक वर्षांपूर्वी उभारलेला या पुलांची डागडूजी होणे आवश्यक असल्याचे मत नागरिक व्यक्त करु लागले आहेत.

Related Stories

No stories found.
Dainik Gomantak
www.dainikgomantak.com