Goa: गोव्यात 17 सप्टेंबरला किनारपट्टी स्वच्छता दिवस, 5 बीचवर केली जाणार स्वच्छता

मिरामार, बायणा, कोलवा, बोगमाळो आणि वेळसाव हे पाच बीच या स्वच्छता मोहिमेचे भाग आहेत.
किनारपट्टी
किनारपट्टीdainikgomantak

गोवा सरकार 17 सप्टेंबर हा दिवस आंतरराष्ट्रीय किनारपट्टी स्वच्छता दिवस (International Coastal Clean-up Day) म्हणून साजरा करणार आहे. या स्वच्छता मोहिमेअंतर्गत गोव्यातील तब्बल 37 बीच स्वच्छ केले जाणार आहेत. मिरामार, कळंगुट आणि कोलवा (Miramar, Calangute And Colva) या बीचवर मुख्य कार्यक्रम आयोजित केले जाणार आहेत. मिरामार येथील स्वच्छता मोहिम मुख्यमंत्री प्रमोद सावंत (CM Pramod Sawant) यांच्या नेतृत्वाखाली पार पडेल.

पर्यटन मंत्री रोहण खंवटे कळंगुट आणि पर्यावरण मंत्री निलेश काब्राल हे कोलवा येथील स्वच्छता मोहिमेत सहभागी होतील. सागरी किनारे स्वच्छता मोहिम ही आंतरराष्ट्रीय मोहिम असून, भारत सरकराने गोव्यातील पाच बीच यासाठी निवडले आहेत. मिरामार, बायणा, कोलवा, बोगमाळो आणि वेळसाव (Bogmalo, Baina And Velsao) हे पाच बीच या स्वच्छता मोहिमेचे भाग आहेत. आझादी का अमृत महोत्सव अंतर्गत या स्वच्छता कार्यक्रमाचे आयोजन करण्यात आले आहे.

किनारपट्टी
Goa Congress Rebel : काँग्रेस आमदारांच्या भाजप विलिनीकरणाला विधानसभा सभापतींची मंजुरी

"स्वच्छ सागर, सुरक्षित सागर / स्वच्छ किनारा सुरक्षित सागर" ही मोहिम सागरी स्वच्छतेची नागरीकांच्या नेतृत्वाखालील 75 दिवसांची मोहिम आहे. 5 जुलै 2022 रोजी ही मोहिम सुरू झाली. या मोहिमेची तीन मूलभूत उद्दिष्टे आहेत, वस्तूंचा जबाबदारीने वापर, घरातील कचऱ्याचे वर्गीकरण आणि त्याची जबाबदारीने विल्हेवाट लावणे.

राष्ट्रीय ध्रुवीय आणि महासागर संशोधन केन्द्र (एनसीपीओआर) आणि मुरगाव बंदर प्राधिकरण (एमपीए), विज्ञान प्रसार आणि दीपविहार उच्च माध्यमिक विद्यालय यांनी स्वच्छ सागर सुरक्षित सागर (स्वच्छ किनारा, सुरक्षित किनारा) मोहिमे अंतर्गत मुरगाव येथे गुरुवार, 8 सप्टेंबर 2022 रोजी जनजागृती मोहिमेचे आयोजन केले होते.

किनारपट्टी
CM Pramod Sawant : ...तेव्हाच गोव्याचा मंत्रिमंडळ विस्तार होणार

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com