Goa Illegal Hotels : पर्यटन खात्याकडे नोंदणी न करता, बेकायदेशीरपणे हॉटेल व्यवसाय चालवणाऱ्या व्यवसायीकांवर गोवा पर्यटन खात्याचे (Goa Tourism Dept) कारवाईचे सत्र सुरुच आहे.
नोंदणी न करणाऱ्या जवळपास 800 हॉटेल्सना नोटिसा पाठवण्यात आल्या आहेत. तसेच त्यांना दंडही ठोठावण्यात आला आहे. याबाबतची माहिती पर्यटन खात्याचे संचालक निखिल देसाई यांनी दिली.
"पर्यटन क्षेत्रातील बेकायदेशीर कामे रोखण्यासाठी आम्ही सातत्याने काम करत आहोत. शनिवार आणि रविवारी या बेकायदेशीर कामांवर आम्ही छापे टाकण्याचे काम करतो."
"नोंदणी न करणाऱ्या हॉटेल्सना जवळपास 800 नोटिसा पाठवल्या आहेत तसेच त्यांना दंडही ठोठावण्यात आला आहे. जवळपास 400 प्रकरणे सुरू आहेत. बेकायदेशीर हॉटेल्सना साप्ताहिक 30 नोटिसा पाठवल्या जात आहेत" अशी माहिती देसाई यांनी दिली.
पर्यटन खात्याने नोव्हेंबर महिन्यात नोंदणी न करणाऱ्या अकरा हॉटेल व्यवसायीकांना नोटीस पाठवली होती. नोटीस बजावण्यात आलेल्या अकरा हॉटेलमध्ये वेल्हा, पणजी, कांदोळी, तिसवाडी, कळंगुट येथील हॉटेलांचा समावेश होता.
हॉटेल व्यवसायिकांना एक लाख रूपयांपर्यंत दंड तसेच पाणी आणि वीज जोडणी देखील बंद केली जाणार असल्याची माहिती समोर आली होती.
राज्‍यात बेकायदा हॉटेल्‍सचा सुळसुळाट वाढल्‍याने यावर नियंत्रण ठेवण्यासाठी पर्यटन खात्याने राज्‍यातील सर्व पर्यटनपूरक उद्योगांची खात्याकडे नोंदणी करणे सक्‍तीचे केले आहे. तरीही किनारी भागातील घरांमध्ये, निवासी परिसरात बेकायदेशीरपणे लॉजिंगचा व्यवसाय केला जातो.
बेकायदा हॉटेल्‍स, लॉजिंग चालकांवर कारवाई करण्यात यावी यासाठी काही महिन्यांपूर्वी गोवा नोंदणी पर्यटन व्यापार कायद्यात सुधारणा करण्यात आली. नवीन कायद्यात संबंधित निवासस्‍थान सील करण्याची तरतूद करण्यात आली असून त्यांचा पाणी आणि वीजपुरवठाही खंडित करण्याची तरतूद करण्यात आली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
