डिचोली: बेशिस्त पार्किंग (Parking) विरोधात वाहतूक पोलिसांनी (Police) मोहीम हाती घेतल्याने डिचोली शहरातील (Bicholim) विशेष करून बाजारातील रस्त्यावरील वाहतूक कोंडीचे प्रकार तूर्त तरी टळले आहेत. डिचोली शहरात वाहतूक कोंडीचे प्रकार नित्याचेच बनले आहेत. अधूनमधून बाजार परिसर तसेच शहरातील ठराविक भागात वाहतूक कोंडीची समस्या उद्भवत असते. सध्या पावसाळा असल्याने तर हे प्रकार वाढत आहेत. शहरातील कदंब बसस्थानकाकडून (Kadamba bus stand) बाजाराच्या दिशेने जाणाऱ्या रस्त्यावर विशेष करून साप्ताहीक बाजाराच्या दिवशी वाहतूक कोंडीची समस्या उद्भवत असते.
गृहरक्षक तैनात
बसस्थानकाकडून बाजाराच्या दिशेने जाणाऱ्या रस्त्यावर वाहने बेशिस्तपणे उभी करून ठेवण्यात येत असल्याने ही समस्या उद्भवत असते. वाहतूक पोलिसांनी मागील आठवड्यापासून पुन्हा एकदा दंडात्मक कारवाई हाती घेतली आहे. अधूनमधून बेशिस्तपणे पार्क करण्यात येणाऱ्या वाहनांच्या टायरांना लॉक लावण्यात येत आहे. बाजाराच्या दिशेने जाणाऱ्या रस्त्यावर 'फातिमा' शोरूमजवळ गृह रक्षकही तैनात करण्यात आला आहे. त्यामुळे तूर्तास बाजारातील वाहतूक कोंडी बऱ्याच प्रमाणात नियंत्रणात आली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
