Goa Traffic News: मडगाव-पणजी महामार्गावर कोंडी; तोडग्याची मागणी

Goa Traffic News: दक्षिण गोवा जिल्हाधिकारी कार्यालय ते कदंब बस टर्मिनससमोरील एकतर्फा रस्ता वाहतुकीला बंद केल्याने मडगाव-पणजी महामार्गावर वाहतूक कोंडी होत आहे. या प्रकारामुळे कामाच्या ठिकाणी वेळेवर पोहोचायला अनेक प्रवाशी, कर्मचाऱ्यांना विलंब होत आहे.

त्यामुळे अनेकांनी नाराजी व्यक्त केली आहे. मलनिस्सारण संबंधित या रस्त्यावर खोदकाम करण्यात येत असल्याने एकेरी बाजूचा रस्ता बंद करण्यात आला आहे.

हा रस्ता पणजीला जाण्यासाठी प्रमुख मार्ग असल्याने केपे, काणकोण, सावर्डे या ठिकाणाहून येणाऱ्या नोकरदारांना कामाच्या ठिकाणी वेळेवर पोहोचायला उशीर होत आहे. त्यामुळे येथील काम लवकरात लवकर पूर्ण करावे, अशी मागणी या कर्मचाऱ्यांनी केली आहे.