Goa News: केबलची वाहतूक करणाऱ्या ट्रकला अचानक लागली आग

Goa News: पोलिसांच्या सतर्कतेमुळे टळली दुर्घटना ; शिवोलीत बर्निंग ट्रकचा थरार
Truak Fire| Goa News
Truak Fire| Goa NewsDainik Gomantak

Goa News: शिवोली व आसगाव यांच्या सीमेवर सोनारखेड येथे शनिवारी सकाळी वीज केबलची वाहतूक करणाऱ्या ट्रकमधील केबल रिळचा संपर्क जीवंत वीजवाहिन्यांशी आल्याने ट्रकमध्ये अचानक आग लागली आणि परिसरात खळबळ उडाली.

मात्र, हणजूण येथील वाहतूक पोलिसांनी प्रसंगावधान राखून रस्त्यावरून जाणारा खासगी पोकलॅन थांबविला आणि त्याच्या साहाय्याने केबलचा जळता रिळ ट्रकमधून खाली पाडला. त्यामुळे मोठा अनर्थ टळला.

यावेळी ट्रकचालकानेही तात्काळ ट्रक रस्त्याच्या एका बाजूला उभा केला आणि केबिनमधून उडी मारून प्राण वाचविले. शिवोली पंचक्रोशीत सध्या भूमिगत वीजवाहिन्या टाकण्याचे काम सुरू असून या कामासाठीच या केबल्स नेण्यात येत होत्या.

Truak Fire| Goa News
Goan Christians in Indian Army : भारतीय सैन्यात गोव्यातील ख्रिश्चनांचीच संख्या अधिक का?

...तर ट्रकच खाक झाला असता

या आगीची ट्रकचालकाला वेळीच कल्पना दिली नसती तर तो जळता ट्रक शिवोलीपर्यंत पोहोचला असता आणि मोठा अनर्थ घडला असता. मात्र, शनिवारी सकाळी हणजूण वाहतूक कक्षाशी संबंधित पोलिसांनी तात्काळ ट्रक थांबवून ही आग रोखली. आसगाव तसेच शिवोली पंचायत मंडळाकडून त्यांचा सन्मान करावा, अशी मागणी करण्यात येत आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com