वास्को: सावरफोंड-सांकवाळ येथे दोन स्विफ्ट या चारचाकी वाहनांचा भीषण अपघात झाला. अपघातात एक महिला पोलीस उपनिरीक्षक (Sub-Inspector of Police) जखमी झाली. सुदैवाने कोणतीही जिवीतहानी झालेली नाही. दरम्यान तीनही कारमधील व्यक्ती किरकोळ जखमी झाल्या. अपघातातील जखमींना उपचारांसाठी तातडीने गोवा वैद्यकीय इस्पितळात दाखल करण्यात आले.
कुठ्ठाळीहून वास्कोच्या (Vasco) दिशेने जाणाऱ्या लाल रंगाचा स्विफ्ट कारने वास्कोहून कुठ्ठाळीच्या दिशेने येणाऱ्या दोन स्विफ्ट डिझायर कारला ठोकर दिल्याने हा अपघात घडला. हा अपघात शनिवारी संध्याकाळी सुमारे 4 वाजण्याच्या दरम्यान घडल्याची माहिती वाहतूक पोलीस निरीक्षक सुदेश नार्वेकर यांनी दिली.या अपघातात एक महिला पोलीस उपनिरीक्षक जखमी झाली.
अपघात एवढा भीषण होता, की यात कारचं मोठ्या प्रमाणात नुकसान झालंय. लाल रंगाच्या स्विफ्ट कारचा पुढील भागाचा पूर्णपणे चेंदामेंदा झाला तर इतर दोन स्विफ्ट डिझायर कारच्या उजव्या बाजूला मोठ्या प्रमाणात नुकसान झाले. अपघातामुळे मोठ्या प्रमाणात वाहतूक कोंडी झाली होती. वेर्णा पोलिसांनी अपघातस्थळी येऊन वाहनांचा पंचनामा करून वाहतूकीसाठी मार्ग सुरळीत केली. अपघात होताच आजूबाजूच्या नागरिकांनी येऊन जखमींना वाहनातून बाहेर काढले.
त्वरित पोलिस (police) व 108 रुग्णवाहिकेला (ambulance) संपर्क केला. जखमींना 108 रुग्णवाहिकेतून गोवा वैद्यकीय इस्पितळात उपचारासाठी दाखल करण्यात आले. यावेळी अपघातस्थळी वास्को वाहतूक पोलिस निरीक्षक सुदेश नार्वेकर, वेर्णा पोलिस स्थानकाचे अधिकारीवर्ग दाखल झाले. अपघात झाल्याने दोन्ही बाजूला मोठ्या प्रमाणात वाहतूक कोंडी निर्माण झाली. पोलिसांनी अपघात झालेल्या वाहनाचा पंचनामा करून सर्व वाहने बाजूला करून वाहतूक सुरळीत केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
