Goa University : फाडो! शिका 18 व्या शतकातील संगीत प्रकार तेही अगदी 'मोफत', आजच नोंदणी करा

प्रवेशासाठी पूर्व नोंदणी आवश्यक
Goa University
Goa University Dainik Gomantak

Goa University : विद्यार्थी आणि सर्वसामान्यांना आता राज्यातच फाडो या संगीत प्रकाराचे प्रशिक्षण घेता येणार आहे. या संगीत प्रकाराचा कोर्स प्रथमच गोवा विद्यापीठात शिकवला जाणार आहे. हा अभ्यासक्रम अल्प कालावधीसाठी घेण्यात येणार आहे. अभ्यासक्रम विनामूल्य शिकवला जाणार आहे.

Goa University
मंदिर पुनर्बांधणी समिती : RSS च्या माजी पदाधिकाऱ्यांनं सावंत सरकारला फटकारलं, म्हणाले..

अँथनी गोन्साल्विस (Chair) इन वेस्टर्न म्युझिक, पोर्तुगीज आणि लुसोफोन (Lusophone) स्टडीज प्रोग्राम आणि शेनोई (Shenoi) गोएम्बाब (Goembab) स्कूल ऑफ लँग्वेजेस अँड लिटरेचर यांच्या अंतर्गत फाडो अभ्यासक्रम आयोजित केला जाणार आहे.

गोव्यातील सोनिया शिरसाट फाडो अभ्यासक्रमाचे संचालन करणार आहेत. हा अभ्यासक्रम विद्यार्थी आणि सर्वसामान्यांसाठी खुला आणि विनामूल्य आहे. मात्र, प्रवेशासाठी पूर्व नोंदणी आवश्यक आहे.

Goa University
Pune MNS Samir Thigale: मोठी बातमी! मनसे जिल्हाध्यक्षाला खंडणी मागत हवेत गोळीबार, पुण्यातील घटना

‘फाडोचा परिचय’ अभ्यासक्रमाचे लेक्चर 8 ते 14 फेब्रुवारी या कालावधीत दररोज दुपारी 2.30 ते 5 या वेळेत होईल. यासाठी एक क्रेडिट निश्चित करण्यात आले आहे. लेक्चरला किमान 75 टक्के उपस्थिती लावणाऱ्यांना सहभाग प्रमाणपत्र दिले जाईल.

फाडो हा एक अर्ध-शास्त्रीय शहरी लोकगायन शैलीतील संगीत प्रकार आहे. जो 1800 च्या उत्तरार्धात गोव्यात आला आणि बराच काळ गोव्याच्या संगीत भांडाराचा एक भाग आहे. ज्या विद्यार्थ्यांची पहिली भाषा कदाचित पोर्तुगीज नसेल किंवा ज्यांना संगीताचे सखोल ज्ञान नाही अशा विद्यार्थ्यांसाठी हा अभ्यासक्रम विशेषतः तयार केला गेला आहे.

Goa University
Monterey Park: कॅलिफोर्नियामध्ये चिनी नववर्ष साजरे करणाऱ्या लोकांवर अंदाधुंद गोळीबार, 9 ठार

या अभ्यासक्रमाबाबत गोवा विद्यापीठाने म्हटले आहे की “जागतिक संगीताने अलीकडच्या काळात विविध भाषांमध्ये आणि संस्कृतींमधील विविध शैलींचे संगीतदृष्ट्या रंगीत मिश्रण आणले आहे."

"त्यामुळे शतकानुशतके गोव्यात असलेल्या फाडो या कलाप्रकाराचे गोवा आणि भारतातील भावी पिढ्यांसाठी संरक्षण आणि संवर्धन करणे महत्त्वाचे आहे. फाडो संगीताचे प्रकार आणि त्याचा इतिहास, वाढ, आंतरराष्ट्रीय स्थिती तसेच या कलाप्रकारातील मूलभूत बारकावे अभ्यासक्रमातून विद्यार्थ्याला समजतील."

"विद्यार्थ्याला कवितेची शैली आणि अर्थ योग्य प्रकारे समजून घेऊन दोन शैलीत दोन फाडोही गाता येतील. फाडो पोर्तुगीजमध्ये असल्याने उच्चारावरही काम केले जाईल. यामुळे विद्यार्थ्याला फाडो गाण्याचे कौशल्य विकसित होईल,” असे विद्यापीठाने म्हटले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com