Goa News: गोवा फॉरवर्ड पक्षाने बुधवारी वेर्णा येथे संप करणाऱ्या कंपनीच्या 130 कामगारांना पाठिंबा दिला. पक्षाचे वरिष्ठ उपाध्यक्ष मोहनदास लोलयेकर, उपाध्यक्ष दुर्गादास कामत, दिलीप प्रभुदेसाई आणि प्रशांत नाईक यांच्यासह शिष्टमंडळाने कामगारांची भेट घेऊन संपाच्या कारणांवर चर्चा केली.
प्रशांत नाईक यांनी सांगितले की, चुकीच्या कृतींविरुद्ध आवाज उठवणे आणि नोकरी गमावलेल्यांना मदत करणे हे गोवा फॉरवर्डचे कर्तव्य आहे. उद्योग कंपन्या सहसा वापरा आणि फेकून द्या, धोरण अवलंबतात.
या 130 कामगारांवर अन्याय झाला आहे, कारण रोजगार पत्रिका दर्शवते की ते आधीच कामावर आहेत. त्यामुळे त्यांना इतरत्र नोकरी मिळणार नाही. त्यामुळ कंपनीने गमंतकीय युवकांच्या नोकऱ्या आणि त्यांचे भवितव्य हिरावून घेऊ नये.
आम्ही कंपनीच्या अधिकाऱ्यांना जाब विचारणार असून हा प्रश्न कामगार आयुक्त आणि शासनाकडेही नेणार आहोत, असेही नाईक म्हणाले. दुर्गादास कामत म्हणाले की, हे गोव्यातील तरुण आहेत, ज्यांना काढून टाकण्यात आले आहे.
पण त्याच कंपनीने कोल्हापुरात मुलाखती घेऊन इतर राज्यांतून आणखी 50 लोकांना नेले आहे. याचा अर्थ कंपनी चांगले काम करत आहे, परंतु गोव्यातील कामगारांना का पक्के करायचे नाही, याचे कारण त्यांना द्यावे लागेल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
