पणजी: राष्ट्रपतींच्या कार्यक्रमादरम्यान व्हिडीओ स्क्रिनिंगमध्ये व्यत्यय आल्याची घटना घडली होती. त्याची गंभीर दखल घेत संबंधित कार्यक्रम व्यवस्थापन कंपनीच्या बिलात तब्बल 5.50 लाखांची कपात करण्यात आली आहे. नुकताच सरकारने त्या कंपनीला हा झटका दिला.
गेल्या डिसेंबर महिन्याच्या 19 तारखेला येथील कांपाल मैदानावर 60 व्या गोवा मुक्तीदिनाचे आयोजन करण्यात आले होते. या कार्यक्रमाला राष्ट्रपती रामनाथ कोविंद उपस्थित होते. कार्यक्रमात गोवा मुक्तीच्या यशोगाथेवर आधारित चित्रफीत दाखविली जात होती. दरम्यान, एलईडी स्क्रिनमध्ये अचानक बिघाड झाल्याने ती चित्रफीत पूर्णपणे बघता आली नाही. त्याबद्दल उपस्थितांनी नाराजी व्यक्त केली होती.
वास्कोस्थित कंपनीला या कार्यक्रमाच्या आयोजनाचा ठेका देण्यात आला होता. या कंपनीने सरकारला 3 कोटी 95 लाख 20 हजार 44 रुपयांचे बिल सादर केले होते. पण, कार्यक्रमातील व्यत्ययाबद्दल सदर कंपनीला दंड आकारावा अशी मागणी होती. त्याची गंभीर दखल घेत बिलात 5.50 लाखांची कपात करण्यात आली. पहिल्यांदाच सरकारने अशाप्रकारचा निर्णय घेत ठेकेदारांना जणू सूचक इशारा दिला आहे.
एक बल्ब पडला साडेपाच लाखांना!
कार्यक्रमावेळी एलईडी स्क्रीनमधील केवळ एक बल्ब खराब झाला होता. त्यामुळे कार्यक्रमाच्या रंगाचा बेरंग झाला होता. हाच एक बल्ब कंपनीला तब्बल साडेपाच लाखांना महागात पडला. कंपनीला बिलापोटी 3.89 कोटी बिल देण्यात आले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.