Goa Viral Video: गोव्यात येणाऱ्या पर्यटकांच्या थिल्लरपणाचे नानाविध व्हिडिओ नेहमी समोर येत असतात. नियम मोडून मौजमजा करणाऱ्या पर्यटकांवर कारवाई देखील केली जाते पण, अशा घटना काही कमी होताना दिसत नाहीत.
राज्यात अपघातांचे सुरुच असताना काही पर्यटक कारच्या छतावर बसून मद्य सेवन करताना आणि धोकादायक प्रवास करताना दिसत आहेत. याचा व्हिडिओ सध्या समाज माध्यमांवर व्हायरल होत आहे.
काय आहे व्हिडिओ?
एक पर्यटक कारच्या छतावर बसून धोकादायक प्रवास करताना दिसत आहे. त्यावेळी कारच्या दोन्ही खिडकीमधून दोन पर्यटक बाहेर हेलकावून प्रवास करत आहेत. धक्कादायक बाब म्हणजे त्यांच्या हातात मद्याच्या बाटल्या असून, धोकादायक प्रवासत देखील ते चिअर्स करत मद्य पिताना दिसत आहेत.
भरधाव वेगात असलेल्या या कार आणि हुल्लडबाज पर्यटकांचा व्हिडिओ सध्या सोशल मिडियावर व्हायरल होत आहे.
दरम्यान, राज्यातील कोणत्या भागातील हा व्हिडिओ आहे याबाबत माहिती मिळाली नसली तरी, उत्तर गोव्यातील हा व्हिडिओ असल्याचे सांगितले जात आहे. व्हिडिओत GA 06 E 4505 क्रमांकाची कार दिसत असून, गोवा पोलीस या पर्यटकांवर कारवाई करणार का? असा प्रश्न नेटकरी उपस्थित करत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.