Goa Weather Updates: राज्यात गारठ्यासोबत रविवारपर्यंत धुकेही पडणार

कडाक्याच्या थंडीने भरवली गोवेकरांना हुडहुडी
Goa Weather Updates: राज्यात गारठ्यासोबत रविवारपर्यंत धुकेही पडणार
Goa Weather UpdatesDainik Gomantaak

पणजी: राज्यात (Goa) गेल्या काही दिवसांपासून थंडीचे प्रमाण वाढत चालले आहे. या कडाक्याच्या थंडीमुळे (Winter) गोव्यातील ग्रामीण भागात लोक शेकोटी पेटवून बसलेले आढळत असून स्वेटर, गरम कपडे परिधान करीत आहेत. (Goa Weather Updates)

गेल्या काही दिवसांपासून काले, जत्रा तसेच धालोत्सवांना देखील सुरवात झाली असून नागरिकांना या थंडीचा बराच त्रास होत आहे. थंडीमुळे पडणाऱ्या धुक्याचा त्रास रात्री प्रवास करणाऱ्या नागरिकांना होत आहे, तसेच विविध प्रकारचे आजार देखील वाढत आहेत. थंडी, खोकला, पडसे, घसा बसणे, त्वचा फुटणे अशा प्रकारांत वाढ झालेली आहे.

Goa Weather Updates
Goa Corona Update: गोवेकरांनो सावधान! राज्यात कोरोना रुग्णसंख्या 15,000 पार

भारतीय हवामान खात्याच्या गोव्यातील केंद्राने दिलेल्या माहितीनुसार 16 जानेवारीपर्यंत राज्यातील वातावरण कोरडे राहील तर काही ठिकाणी धुके पडण्याची शक्यता वर्तविली आहे. गेल्या चोवीस तासांत पणजी येथे कमाल तापमान 29 होते, तर किमान तापमान 17.2 एवढे नोंद झाले आहे.

किमान तापमानात होत असलेल्या घसरणीमुळे थंडी वाढली आहे. अनेक भागांत पहाटेच्या वेळी धुक्‍याची दुलई पसरू लागली आहे. पुढील दोन दिवसांमध्ये राज्याच्या तापमानात घट होणार असून, मुख्यत: कोरड्या हवामानाचा अंदाज वर्तविण्यात आला आहे.

Goa Weather Updates
Maharashtra Weather Updates: शेकोटिवर हात शेकणं पडलं महागात

डॉक्टरांचा सल्ला राज्यात वाढत असलेल्या थंडीमुळे अनेकजण आजारी पडत आहेत. त्यामुळे नागरिकांनी खबरदारी घेणे जरूरीचे आहे. नागरिकांनी शक्यतो उकळून गार केलेले पाणी प्यावे, तेलकट पदार्थ तसेच थंडपेय, आईस्क्रीम आदी पदार्थांचे सेवन करणे टाळावे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com