पणजी : माजी मंत्री महादेव नाईक (Former Minister Mahadev Naik) यांच्या आप (AAP) प्रवाशाने पक्षाला नवे बळ (Power) मिळाले आहे, असे प्रतिपादन आपचे राज्य निमंत्रक राहुल म्हांबरे (Rahul Mahambre) यांनी व्यक्त केले. आपच्या कार्यालयात झालेल्या पत्रकार परिषदेत ते बोलत होते. यावेळी त्यांच्यासमवेत योगेश खांडेपारकर (Yogesh Khandeparkar), ॲड. सुरेल तिळवे (Adv. Surel Tilve), दिनेश बोरकर (Dinesh Borkar) उपस्थित होते.
यावेळी महादेव नाईक म्हणाले, आप राज्यातील राजकारणाला नवा आयाम देईल. महामारी, महापूर या संकटात पक्षाने जे कार्य केले ते उल्लेखनीय आहे. त्यामुळेच या पक्षाची कास धरली आहे. राज्यातील तरुणांना बेरोजगारीची चिंता सतावत आहे. अनेक वर्षे भाजप राज्यात सत्तेत आहे, पण तरुणांच्‍या भवितव्याची तरतूद करण्यात हे सरकार अपयशी ठरले आहे. आपने दिल्लीत विकासाचा नवा धडा दिला आहे. गोव्यातही ते शक्य आहे. सरकार केवळ तरुणांना आत्मनिर्भर होण्याचे आवाहन करते. प्रत्यक्षात मात्र तरुण आणि तरुणी रोजगारापासून वंचित आहेत. सरकारची कोणत्याच बाबतीत इच्छाशक्ती नाही. केवळ आप राज्याला नवी दिशा देईल, तसेच आप राज्याचा आवाज बनेल, असा दावा महादेव नाईक यांनी केला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
