Goa Zilla Panchayat Election 2022: दवर्लीत 'कांटे की टक्कर'

Goa Zilla Panchayat Election: उल्हास तुयेकर यांचे खंदे समर्थक परेश नाईक हे रिंगणात आहेत.
Goa Zilla Panchayat Election
Goa Zilla Panchayat ElectionDainik Gomantak

Goa Zilla Panchayat Election: उल्हास तुयेकर हे नावेलीचे आमदार बनल्यानंतर रिक्त झालेल्या दवर्ली जिल्हा पंचायत जागेवर भाजपतर्फे तुयेकर यांचे खंदे समर्थक परेश नाईक हे रिंगणात उतरलेले आहेत, मात्र या मतदारसंघात एकूण सात उमेदवार असल्याने ही लढत म्हणजे ‘काटे की टक्कर’ होणार आहे.

दरम्यान, या मतदारससंघात रुमडामळ, दीकरपाली व आके बायश या तीन पंचायतीचा समावेश आहे. मतदारसंघात ख्रिस्ती व हिंदू अशी प्रत्येकी 6 हजारांच्या आसपास मतदारांची संख्या आहे. आठ हजार मुस्लिम मतदार आहेत.

Goa Zilla Panchayat Election
Modi-Marathi Exhibition: 'मोडी'चा पुरातन ठेवा, अनेक दस्तऐवज पाहण्यासाठी उपलब्ध

तसेच, यात सर्वाधिक मुस्लिम मतदार हे रुमडामळ पंचायत क्षेत्रात आहेत. ही मुस्लीम मते कुणाच्या बाजूने झुकतील, यावर या मतदार संघातील निकाल अवलंबून आहे. आता रणधुमाळीला सुरुवात होणार आहे.

उल्हास तुयेकरांसमोर आव्हान

या निवडणूकीत भाजपने परेश नाईक यांना उमेदवारी दिली असून त्यांना दवर्ली दिकरपाल पंचायतीचे उपसरपंच म्हणून कामाचा अनुभव आहे. त्यांच्या विरोधात आम आदमी पक्षाचे सिद्धेश भगत हे उभे असून त्यांनीही यापूर्वी आके बायश पंचायतीचे सरपंचपद सांभाळले आहे.

Goa Zilla Panchayat Election
Goa Zilla Panchayat Election: कुठ्ठाळी मतदारसंघात गाजतोय; विकासकामांचा मुद्दा!

काँग्रेस उमेदवार लियोन रायकर हेही दिकरपाली पंचायतीचे माजी पंच असून अपक्ष मुर्तूजा कुकनुर हेही रुमडामळ येथील माजी सरपंच आहे. त्यामुळे चार तगडे उमेदवार रिंगणात आहेत. त्यामुळे हा मतदारसंघ आपल्याकडेच राखून ठेवायचा आसल्यास आमदार उल्हास तुयेकर यांना सर्वस्वपणाला लावावे लागणार आहे.

मात्र इतरांची निराशा

मतदारसंघात काँग्रेस, आप व इतर पक्षातून अनेक नेते आपले कार्यकर्ते घेऊन या मतदारसंघातील उमेदवारी आपल्याला मिळणार या आशेने भाजपमध्ये दाखल झाल होते. मात्र परेश नाईक यांना उमेदवारी दिल्याने त्यांची निराशा झाली आहे.

Goa Zilla Panchayat Election
Madgaon Mayor Election : तिढा सुटणार; दामोदर शिरोडकर होणार मडगावचे नवे नगराध्यक्ष

‘आप’चे सिद्धेश भगत यांनी येथील पंचायत क्षेत्रातील लोकांची अनेक कामे केली आहेत. येथील लोकांच्या मागणीसाठी वेळोवेळी ते रस्त्यावर उतरलेले आहेत तसेच त्यांचे इतर पक्षाच्या नेत्याशी त्यांचे चांगले संबंध आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com