कोणालाही ‘व्‍हीआयपी’ सुविधा मिळणार नाही: विश्‍वजित राणे

Goa:No VIP treatment for Covid-19 patient says Vishwajit Rane
Goa:No VIP treatment for Covid-19 patient says Vishwajit Rane

पणजी: ‘कोविड’बाधित सर्वसामान्य रुग्णांना वेळेत उपचार मिळावेत, यासाठी खाटा उपलब्ध केल्या जातील, परंतु कसल्याही प्रकारची ‘व्हीआयपी’ सुविधा दिली जाणार नाही, असे आरोग्यमंत्री विश्‍वजित राणे यांनी आज सांगितले.

राज्यातील ‘कोविड’च्या रुग्णांवरील उपचारांविषयी परिस्थितीचा आढावा घेण्यासाठी तज्‍ज्ञ समितीची आरोग्‍यमंत्र्यांनी सायंकाळी बैठक घेतली. राणे म्हणाले की, गोमेकॉत १४८ या वॉर्डमध्ये येणाऱ्या गंभीर रुग्णांना वैद्यकीय उपचारात विलंब होणार नाही. अ‍ॅनेस्थेसिया तंत्रज्ञांना कोविड वॉर्डमध्ये रुग्णांना ऑक्सिजन पुरवठा देखरेख करण्यासाठी नियुक्त केले जाईल. ते पुढे म्हणाले की, कमी, मध्यम किंवा गंभीर स्वरुपाचे आजार असलेल्या रुग्णांना वेळेवर ऑक्सिजन मिळण्याबाबत आरोग्य खाते प्रमाणित कार्यप्रणाली (एसओपी) विकसित करणार आहे.

पल्मोनरी मेडिसिन विभागांतर्गत गोमेकॉतील वॉर्ड क्रमांक ११५ मंगळवारपर्यंत तयार होईल, असे सांगून राणे म्हणाले की, कोविड रुग्णालयातील रुग्णांना सोडण्याचा संबंधित नोडल अधिकाऱ्याला अधिकार राहणार आहे. सरकारने गोवा वैद्यकीय महाविद्यालय रुग्णालय, मडगाव येथील जिल्हा रुग्णालय आणि ईएसआय रुग्णालय, फोंडा येथील उपजिल्हा रुग्णालयाला कोविड उपचाराचे ठिकाण म्हणून सूचित केले आहे.

संपादन: ओंकार जोशी

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com