पणजी: गेल्या दोन महिन्यांपासून वाढत असलेल्या कोरोना बाधितांच्या संख्येमध्ये सातत्याने बदल होत असून आजचा संक्रमण दर (पॉझिटिव्हिटी रेट) हा राष्ट्रीय स्तरापेक्षा चौपट आहे. ही गंभीर बाब लक्षात घेता नागरिकांनी कोरोनासंबंधीच्या नियमांचे काटेकोरपणे पालन करावे, असे आवाहन आरोग्य खात्याने केले आहे.
(Goa's Corona infection rate is four times the national level)
दुसरीकडे आंतरराष्ट्रीय स्तरावर कोरोनामध्ये होणारे बदल लक्षात घेऊन केंद्रीय आरोग्य मंत्रालयाने आंतरराष्ट्रीय प्रवाशांसाठीचे नियम कडक केले असून ते आज शनिवारपासून लागू होत आहेत. आज कोरोनाच्या 1,219 संशयितांच्या चाचण्या केल्या असता त्यापैकी 109 नवे बाधित सापडले. त्यामुळे राज्यातील एकूण कोरोना बाधितांची संख्या 561 झाली आहे. आज 139 जण कोरोनामुक्त झाले. शनिवारी कोरोनामुळे कुणाचा बळी गेला नसल्याने एकूण मृत्यूंचा आकडा 3,963 वर कायम आहे. राज्यात आतापर्यंत 2,56,409 नागरिकांना कोविडची बाधा झाली असून 2,51,885 लोक पूर्णपणे बरे झाले. रुग्ण बरे होण्याचे प्रमाण 98.24 टक्के आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
