गोव्याच्या ‘उमंग’ची ऑस्ट्रेलियात भरारी

'ऑस्ट्रेलियात आमचे ग्राहक पूर्वीपासून असून तेथे भारतीय कौशल्याचा सन्मान होतो'
गोव्याच्या ‘उमंग’ची ऑस्ट्रेलियात भरारी
Uma Talavalikar and Mangirish SalelkarDainik Gomantak

पणजी: गोव्यात मुख्यालय असलेली 'उमंग सॉफ्टवेअर टेक्नोलॉजीस प्रा. लि.' ही कंपनी अमेरिकन सिलीकॉन व्हॅलीतील यशस्वी पदार्पणानंतर आता ऑस्ट्रेलियात आपले कार्यालय थाटणार आहे. उमा आणि मांगिरिश सालेलकर या गोमंतकीय दाम्पत्याचे अपत्य असलेल्या या कंपनीने अल्पावधीत घेतलेल्या गरुडभरारीचे तंत्रज्ञान क्षेत्रात कौतुक होत आहे.

गेली 12 वर्षे आरोग्यसेवा, लॉजिस्टिक्स, मरीन, औषधनिर्मिती, बांधकाम अशा विविध क्षेत्रांशी संबंधित माहिती तंत्रज्ञान शाखेतील प्रकल्प ‘उमंग’ हाताळत आहे.

Uma Talavalikar and Mangirish Salelkar
नळ कोरडे; गोव्यात ‘मोफत’ पाणी पुरवठ्याची घोषणा नावालाच!

डेस्कटॉप, वेब आणि मोबाईल अॅप्लिकेशन्स ही खासियत असलेल्या 'उमंग'ला आजवर औद्योगिक क्षेत्रात अनेक राष्ट्रीय पुरस्कार लाभले असून त्यात असोकेम आणि गोवा चेंबर ऑफ कॉमर्स अँड इंडस्ट्रीचा 2016 सालचा 'कस्टमर सेंट्रीक कंपनी ऑफ दी इयर' हा मानाचा पुरस्कारही आहे. 'नॅसकॉम'वर आपले अस्तित्व दर्शवणाऱ्या पहिल्या गोमंतकीय कंपन्यांत 'उमंग'चा समावेश होतो.

ऑस्ट्रेलियात आमचे ग्राहक पूर्वीपासून असून तेथे भारतीय कौशल्याचा सन्मान होतो. व्यवसाय विस्तारासाठी त्या देशात कार्यालय असणे अगत्याचे वाटल्याने आम्ही हे पाऊल उचलले आहे, अशी माहिती कंपनीचे व्यवसाय वृध्दी उपाध्यक्ष ऑस्कर रॉड्रिग्स यांनी दिली आहे.

मेलबर्न येथे 'उमंग'चे कार्यालय स्थापण्याविषयी मांगिरीश सालेलकर म्हणाले, गेली 12 वर्षे आम्ही 15 देशातील ग्राहकांचे समाधान केले आहे. गतवर्षी आम्ही आयटीची गंगोत्री असलेल्या सिलिकॉन व्हॅलीत कार्यालय थाटले. तेथे आम्हाला उत्साहवर्धक प्रतिसाद मिळत आहे. ऑस्ट्रेलियातील ग्राहकांना आम्ही गेली 8 वर्षे सेवा देत असून त्यांचा विश्वास संपादित केला आहे. या कार्यालयाद्वारे मेलबर्न व क्विन्सलॅंड येथील ग्राहकांशी नाती दृढ होतील.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.