दाबोळीत साडे पंधरा लाखांचे सोने जप्त

gold confiscated in Dabolim costs 15 lakhs
gold confiscated in Dabolim costs 15 lakhs

मुरगाव, दाबोळी : कोरोना महामारीच्या पार्श्वभूमीवर पुकारलेल्या टाळेबंदीत शिथिलता आणल्‍यानंतर गोवा सरकारने विमान वाहतूक सुरू केली. त्‍यानंतर कस्‍टमने सोमवारी प्रथमच दाबोळी विमानतळावर सोने तस्करीचा पर्दाफाश केला. सुमारे साडे पंधरा लाख रुपये किंमतीचे सोने कस्टमने पकडले.

दुबईहून दाबोळी विमानतळावर उतरलेल्या इंडिगो एअरलाईन्सच्या ६ ई -८४४५ या विमानातून आलेल्या प्रवाशाने आसनाखाली लपवून ठेवलेले ३४५ ग्रॅम वजनाचे सुमारे साडे पंधरा लाख रुपये किंमतीचे सोने हस्तगत केले. दुबईतून आलेल्या विमानातून मोठ्या प्रमाणात सोन्याची तस्करी केली जाते. याची जाणीव कस्टमच्या दाबोळी विमानतळावरील दक्षता विभागाला होती. त्यामुळे कस्टमचे सहाय्‍यक आयुक्त वाय. बी. सहारे यांनी दुबईतून आलेल्या इंडिगो एअरलाईन्सच्या विमानावर पाळत ठेवली होती. सर्व प्रवाशांची झडती घेतल्यानंतरही काहीच सापडले नव्हते. तरीही, श्री. सहारे यांनी आपल्याला मिळालेल्या माहितीचा आधार घेऊन विमानाची झडती सुरू केली तेव्हा एका आसनाच्या खाली दडवून ठेवलेली तीन सोन्याची बिस्‍किटे त्यांना 
सापडली. 

विमानातील आसनाखाली लपवून ठेवलेले सोने एखाद्या विमान कामगाराच्या सहाय्याने प्राप्त करून घ्यावे, अशी योजना तस्कराची होती. पण, तत्पूर्वीच श्री. सहारे आणि त्यांच्या साथीदारांनी आसनाखाली दडवून ठेवलेले सोने जप्त केले.
 

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com