Goa Governor: राज्यपालांहस्ते जुन पर्यंत 850 पेक्षा जास्त गरजू नागरीकांना आर्थिक मदत

गोव्यातील गरजु नागरीकांना मदत करण्याचा निर्णय घेतला असे राज्यपालांनी आपल्या भाषणात सांगितले
Goa News | Governor Sreedharan Pillai
Goa News | Governor Sreedharan PillaiDainik Gomantak

सासष्टी: गोव्याचे राज्यपाल पी एस श्रीधरन पिल्लई यानी आज सासष्टी तालुक्याचा दौरा केला व राय येथे 11 डायलेसिस व 7 कर्क रोग रुग्णांना प्रत्येकी 25 हजार रुपयांची आर्थिक मदत प्रदान केली. राज्यपालांकडे मर्यादीत निधी असतो. आपण हा निधी राजभवनावर खर्च न करता गोव्यातील गरजु नागरीकांना मदत करण्याचा निर्णय घेतला असे राज्यपालांनी आपल्या भाषणात सांगितले.

(Governor has provided financial assistance to over 850 needy citizens till June)

Goa News | Governor Sreedharan Pillai
Goa News: गोविंद गावडे यांची फोंडा मामलेदार कार्यालयाला अचानक भेट

सुरवातील आपले उद्दीष्ट केवळ 70 रुग्णांना आर्थिक मदत करण्याचे होते. पण गत 16 ते 18 महिन्यात आपण 850 गरजुंना मदत करु शकलो याचा आपल्याला अभिमान वाटतो असेही राज्यपालांनी सांगितले.

भारत हा कृषिप्रधान देश आहे व कृषि हेच उत्पन्नाचे मुख्य स्त्रोत आहे त्यामुळे युवकांनी कृषि उत्पादनावर भर देण्याचे आवाहन त्यानी या वेळी केले. आपण त्यांच्या सोबत आहोत अशी नागरीकांची भावना व्हावी हाच समाजसेवे मागचा आपला मुख्य हेतू असल्याचेही राज्यपालांनी सांगितले.

महात्मा गांधीनी ग्राम स्वराज्य हे तत्व पाळले. सर्वांपेक्षा लोकच सर्वोच्च असल्याचे ते मानीत. त्याचसाठी आपण इथे आल्यापासुन जास्त ग्रामीण भागांना भेटी देत असल्याचे ते म्हणाले.. राय येथील कार्यक्रमात राशोल, कामुर्ली, कुडतरी व राय सरपंचांनी आपल्या समस्या लेखी राज्यपालांना सादर केल्या. आपण तुमचे प्रश्र्न मुख्यमंत्र्यांच्या कानावर किंवा केंद्र सरकारकडे मांडू असे राज्यपालांनी सांगितले. कुडतरीचे आमदार आलेक्स रेजिनाल्ड लॉरेन्स यानी राज्यपालांचे स्वागत केले.

Goa News | Governor Sreedharan Pillai
Goa Tourism: गोव्यात मौजमजा करण्याच्या नादात या 6 चुका पडू शकतात भारी

पंचायतीच्या ज्या समस्या, सुचना आहेत, त्या आपल्याकडे मांडाव्यात असे त्यांनी सरपंंच व पंचांना सांगितले. त्यानी पुढे सांगितले की कुडतरीतील पोलिस क्वॉटर्सचे काम स्थगीत ठेवले असुन सोनसोडो येथील पोलिस स्टेशनचे काम लवकरच सुरु केले जाईल.

या कार्यक्रमानंतर राज्यपालांनी राशोल सेमीनारीला भेट दिली. फादर आलेशो मिनेझीस यानी त्यांचे स्वागत केले. गोवा संपुर्ण यात्रा अंतर्गत राज्यपालांनी संध्याकाळी कुंकळ्ळी येथील मार्टिर्स (चेफ्टन) स्मारकाला भेट दिली व ते चांदर येथे रवाना झाले. तेथे त्यानी पाड्डे, माकाझन, चांदर, कावरे, गिर्दोळी या पंचायतीतील सरपंच व पंचाशी संवाद साधला व मिनेझीस ब्रागांझ घराला भेट दिली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com