लोकसेवा आयोगाच्या परीक्षेची राज्यपालांनी जाणून घेतली माहिती

The Governor to know about the Public Service Commission examination
The Governor to know about the Public Service Commission examination

पणजी: गोवा लोकसेवा आयोग कोणत्याही मानवी हस्तक्षेपाशिवाय संगणकावर आधारीत परीक्षा घेतो आणि त्याचा निकालही तासाभरात जाहीर करतो ही माहिती राज्यपाल भगतसिंह कोश्यारी यांना आज विलक्षण वाटली. त्यांनी या एकंतर प्रक्रियेबाबत आयोगाचे अध्यक्ष जुझे मान्युएल नरोन्हा यांच्याकडून जाणून घेतले.

राज्यपालपदी कोश्यारी आल्यानंतर आज नरोन्हा यांनी त्यांची सदिच्छा भेट घेतली. औपचारीकता म्हणून आयोगाचे काम कसे सुरू आहे. सरकार केलेल्या शिफारशी स्वीकारते का याविषयी त्यांनी विचारणा केली. नरोन्हा यांनी आयोगाचे काम अतिशय पारदर्शीपणे कोणताही हस्तक्षेप न होता चालवत असल्याचे नमूद केले. उदाहरणादाखल बोलताना त्यांनी आयोग पदे भरण्यासाठी ७५ मिनिटांची, ७५ प्रश्नांची केवळ बरोबर उत्तरावर टीक करा या स्वरूपाची परीक्षा घेतो. त्याचा निकाल लगेच तासाभरात जाहीर करतो. त्या उमेदवाराला तीन सदस्यीय समितीसमोर मुलाखत द्यावी लागते. त्यात एका निवृत्त न्यायाधीशाचा समावेश असतो. त्यांनी दिलेला निर्णय आयोग सरकारला कळवते आणि सरकार तो निर्णय स्वीकारते. यामुळे योग्य व्यक्ती योग्य पदावर निवडली जाते, असेही नरोन्हा यांनी राज्यपालांच्या निदर्शनास आणून दिले. 

यानंतर राज्यपालांनी आयोगाच्या कामकाजाविषयी अधिक तपशीलाने माहिती जाणून घेतली. नरोन्हा यांनीही आयोगाचे कामकाज, रिक्त जागा, बढतीसाठी शिफारस केलेल्या उमेदवारांची छाननी, खात्यांतर्गत बढती समितीच्या बैठका आदींबाबत माहिती दिली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com