Vasco: मांगोरहिल येथे भू-गटार वाहिन्यांच्या कामाला शुभारंभ

नागरिकांच्या अनेक वर्षांच्या गैरसोयी दूर होणार -आ. साळकर
Vasco
VascoDainik Gomantak

कोळसा वाहून नेणाऱ्या ट्रकांमध्ये क्षमतेपेक्षा अधिक कोळसा भरला जातो, हे वास्कोवासियांनी पाहिले आहे. त्यामुळे सालसेत ट्रकमालक संघटनेने केलेल्या दाव्यात काहीच तथ्य नाही. आपणास त्या संघटनेच्या अध्यक्षाच्या दाव्यावर अधिक बोलण्याची गरज नसल्याचे वास्कोचे आमदार दाजी साळकर यांनी सांगितले. मांगोरहिल येथे भू-गटार वाहिन्यांच्या कामाच्या शुभारंभ प्रसंगी ते बोलत होते.

मांगोरहिल येथे भू-गटार वाहिन्या घालण्याच्या कामाचा प्रारंभ आमदार साळकर यांच्या हस्ते करण्यात आला. याप्रसंगी सतीश च्यारी, प्रशांत नार्वेकर, सिद्धार्थ कासकर वगैरे उपस्थित होते. मांगोरहिलच्या चार ठिकाणी या वाहिन्या घालण्यात येतील. जुन्या वाहिन्या बदलण्यात येणार आहेत. मायमोळे, मेस्तावाडा वगैरे ठिकाणी लवकरच भू-गटार वाहिन्या घालण्याचे काम सुरू करण्यात येईल. त्यादृष्टीने काही ठिकाणी भू-संपादन करण्यात आल्याचे त्यांनी सांगितले.

Vasco
Air Pollution: कारखान्यातील धूराने त्रासलेल्या नागरिकांनी कारखानाच पाडला बंद

ट्रकांची माल वाहून नेण्याची जेवढी क्षमता आहे, त्यापेक्षा अधिक माल वाहून नेण्यात येत असल्याचा पुनरुधार त्यांनी केला. ट्रकांच्या हौद पातळीपेक्षा अधिक उंचीवर कोळसा भरला जातो. त्यावर ताडपत्री घालण्यात येते. मात्र, हौद पातळीपेक्षा अधिक कोळसा भरण्यात आल्याने कोळशाची भुकटी, कोळशाचे तुकडे रस्त्यावर पडून प्रदूषण होते.

मुरगाव बंदर प्राधिकरण व गोवा राज्य प्रदूषण नियंत्रण मंडळ यांनी कोळसा प्रदूषण होऊ नये, यासाठी जी मार्गदर्शक तत्त्वे जाहीर केली आहेत. त्यांची अंमलबजावणी होते की नाही, याकडे ट्रकमालकांनी लक्ष देण्याची गरज आहे. शिवाय सरकारी यंत्रणेने जागे होण्याची गरज आहे, असे त्यांनी स्पष्ट केले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com