गुजराती पर्यटकाला गोव्यात अटक

त्याने दक्षिण गोव्यात फिरणे पसंत केले
गुजराती पर्यटकाला गोव्यात अटक
Gujarati tourist arrested in GoaDainik Gomantak

मडगाव: गोव्यात गुजरात (Gujrat) येथील राजीव अंजुरकर या 35 वर्षीय पर्यटकाने (Tourist) कोलवा (Colva Beach) येथे स्कुटर चोरली. ही स्कुटर चोरून तो बिचवर फिरत असताना कोलवा पोलिसांनी (Police) त्याला अटक केली.

निरीक्षक तुकाराम चव्हाण यांनी दिलेल्या माहितीनुसार, वडोद्रा गुजरात येथे राहणारा राजीव आपल्या अन्य एका मित्रांबरोबर गोवा फिरण्यासाठी आला होता. त्याचा दुसरा मित्र उत्तर गोव्यात फिरायला गेला असता राजीवने दक्षिण गोव्यात फिरणे पसंत केले होते. कोलवा परिसरात फिरत असताना एका एटीएमकडे एक ज्युपिटर स्कुटर पार्क करून ठेवलेली दिसली. स्कुटर मालकाने चावी गाडीलाच लावून ठेवली होती. त्याचा फायदा उठवून तो ती स्कुटर घेऊन फरार झाला.

Gujarati tourist arrested in Goa
गोव्यात अमेरिकन नागरिकांची फसवणूक; बनावट कॉल सेंटर उद्ध्वस्त

सदर स्कुटर कोसेसाव डिसिल्वा या 73 वर्षीय स्थानिक तियात्रिस्ताच्या मालकीची होती. पैसे काढण्यासाठी एटीएममध्ये गेला होता. त्याने आपली स्कुटर चोरल्याची वर्दी दिल्यावर पोलिसांनी सगळीकडे स्कुटरचा फोटो आणि नंबर प्लेट पाठवून दिली आणि शोध सुरू केला. वाडी बाणावली येथील बीचवर तो त्या स्कुटरवरून फिरत असल्याचे आढळून आल्यावर पोलिसांनी त्याला अटक केली.

Gujarati tourist arrested in Goa
परप्रांतीयांचा गोव्यात बिनधास्त प्रवेश

सध्या पोलिस या पर्यटकाची पार्श्वभूमी तपासून पाहत असून त्याने गुजरातमध्येही आशा चोऱ्या केल्या आहेत का? याची चौकशी चालू आहे. राजीव व त्याचा मित्र गोव्यात फिरायला आले होते, की चोरीच्या उद्देशाने याचाही तपास पोलिस करत आहेत.

Related Stories

No stories found.
Dainik Gomantak
www.dainikgomantak.com