Arambol Beach: परप्रांतीय विक्रेत्यांमुळे हरमलची बदनामी कारण...

Arambol Beach: हरमल येथील किनारी भागात तसेच किनाऱ्यावर परप्रांतीय लोकांनी पर्यटनस्थळांची बदनामी चालविली असून त्यात आईस्क्रिम, चिप्स, माळा, ढोलकी व शेंगदाणे विक्रेत्यांनी मनमानी कारभार चालविल्याने पर्यटक व स्थानिक संतप्त झाले आहेत. त्यांच्या या कृतीमुळे किनारा बदनाम होत आहे. याकडे पोलिसांचेही दुर्लक्ष होत आहे.

नाताळ व नववर्षाच्या स्वागतासाठी राज्यात समुद्रकिनाऱ्यांवर मोठ्या प्रमाणात पर्यटकांची गर्दी झालेली आहे. त्यांना पाहून अनेक परप्रांतीय साहित्य विक्रेते त्यांच्या मागे लागतात. किनाऱ्यावर कित्येक पर्यटक पहुडलेले असतात, त्यामुळे ही लमाणी मंडळी त्यांचा पिच्छा पुरवतात. शेकडोंचा माल हजार रुपयांत विकून पसार होतात.

कोणीही माल ‘नको’ म्हटल्यास लमाणी व शेंगदाणे विक्रेते वाद घालतात. अलीकडे लमाणी लोकांची लहान मुले चिप्स पॅकेट विकून टेबल व बेड्‌सवर बसलेल्या पर्यटकांना सतावत असल्याच्या तक्रारी शॅक्स व्यावसायिकांनी केल्या आहेत. त्यांचा बंदोबस्त करण्याची मागणी होत आहे.