वीज मंत्र्यांनी लक्ष घालूनही हरमल पंचायत क्षेत्र अंधारातच !

हरमल पंचायत (Harmal Panchayat) क्षेत्रात विजेची समस्या गंभीर आहे. वीज मंत्र्यांनी जातीने लक्ष घालून हि समस्या सोडवावी काही ठिकाणी वीज खांबावरील दिवे पेटत नाही. स्थानिक वीज कर्मचारी यांनी कोणत्या खांबावर विजेचे दिवे पेटत नाही याची पूर्ण माहिती आहे , सरकारने लक्ष देवून हि समस्या सोडवावी अन्यथा वीज अभियात्याना घेराव घालण्याचा इशारा मगोचे कार्यकर्त्ये तथा हरमलचे स्थानिक पंच सदस्य प्रवीण व्हायगणकर (Praveen Vaigankar) यांनी दिला आहे.

16 मे रोजी चक्रीवादळ आले त्यावेळी मोठ्या प्रमाणात विजेची व इतर विभागाची सरकारी मालमत्तेची हानी झाली , त्या काळात पाच दिवस वीज गायब होती , त्या काळातील समस्या समजू शकतो , परतू अश्या संकटाचा सामना करण्यासाठी सरकारी यंत्रणा सक्षम बनवायला हवी दीड महिना लोटला तरीही विजेच्या लपंडावात काही बदल झाला नाही , आजही वारंवार विजेचा लंपडाव सुरु असतो , त्यावर तोडगा काढण्याची मागणी केली.

रुपेश नाईक

हरमल येथील स्थानिक रहिवासी रुपेश नाईक यांनी प्रतिक्रिया देताना स्थानिक वीज कर्मचारी काही काही वेळी जर वीज गेली ती दुरुस्ती करण्यासाठी बोलावले तर जास्त भाव खातात , अश्या कामचुकार कर्मचाऱ्यांना अधिकाऱ्यांनी समज द्यावी अशी मागणी रुपेश नाईक यांनी केली हरमल परिसरात एखाद्या ग्राहकाने दोन महिन्याची वेळेवर जर वीज बिले भरली नाही तर त्याचा वीज प्रवाह खंडित केला जाता , आणि बिल भरल्यानंतर परत वीज प्रवाह जोडण्यासाठी विनंती केली कि स्थानिक वीज कर्मचारी अनेक वेळा सांगूनही येत नाहीत.

मगोचे समर्थक प्रवीण आर्लेकर यांनी पुढे माहिती देताना हरमल भागात वीज पुरवठा केरी फिडरवरून देण्यात आला आहे, आणि या फिडरवरील वाहिन्या ह्या जंगलातून आल्या आहेत . एखाद्या वेळी वीज प्रवाह खंडित झाला तर राना वनातून काट्या कुट्यातून वीज वाहिन्या कुठे बिघाड झाला हे कर्मचाऱ्यांना पहावे लागते. कमी कर्मचारी असल्याने जे मोजकेच कर्मचारी असतात त्यांच्यावर कामाचा ताण वाढत असतो. जो पर्यंत किनारी भागातील वीज वाहिन्या भूमिगत होत नाही तो पर्यंत हि समस्या कायमच असणार आहे .