हरवळे धबधबा अजूनही प्रवाहित

मोसमी पावसाळा सूरू होईपर्यंत तरी धबधबा आटण्याची शक्यता कमीच आहे.
हरवळे धबधबा अजूनही प्रवाहित
Harvalem WaterfallsDainik Gomantak

डिचोली: पावसाळा जवळ आला असला, तरी पावसाळी पर्यटनासाठी जगप्रसिद्ध असलेला हरवळे धबधबा यंदा अजूनही प्रवाहित असून, मोसमी पावसाळा सूरू होईपर्यंत तरी धबधबा आटण्याची शक्यता कमीच आहे.

पावसाळ्यात हा धबधबा घसघसून वाहत असतो. पाऊस पावसाळा संपल्यानंतर दरवर्षी साधारण एप्रिल-मे महिन्यात या धबधब्याचा प्रवाह कमी होत असतो. बऱ्याचदा मे महिन्याच्या मध्यापर्यंत हा धबधबा पूर्णपणे आटत असतो. यापुर्वी ऐन शिवरात्री उत्सवावेळी खाणपिटातील पाणी सोडून हा धबधबा प्रवाहित करण्यात आला होता. यावर्षी मात्र अजूनही धबधब्याचा प्रवाह समाधानकारक आहे. अजूनपर्यंत अधूनमधून पडणाऱ्या पावसामुळे धबधबा कायम प्रवाहित राहिला आहे.

Harvalem Waterfalls
ग्रामीण भागात साधनसुविधा उपलब्ध करणार: गोविंद गावडे

पावसाळी पर्यटनासाठी प्रसिद्ध असला, तरी या धबधब्यावर स्थानिक पर्यटकांची ये-जा चालूच असली, तरी सुटीचे दिवस वगळता अन्य दिवशी पर्यटकांचा आकडा कमी असतो. अधूनमधून विदेशी पर्यटकही या धबधब्यावर येतात, असे येथील नागरिकांनी सांगितले.

सुरक्षा व्यवस्था तैनात

हरवळे धबधब्याच्या पायथ्याशी पाण्यात आंघोळ करणे धोक्याचे असल्याने सध्या धबधब्यावर सुरक्षा व्यवस्था तैनात करण्यात आली आहे. धबधब्यावर आंघोळ करताना यापूर्वी काही पर्यटकांना जीव गमवावे लागले आहेत. प्राणहानी टाळण्यासाठी धबधब्यावर सुरक्षा व्यवस्था ठेवण्यात आली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.