Goa Health: मुळगावात 150 खाटांचे सुपर स्पेशालिटी हॉस्पिटल; ‘ईएसआय’च्या बैठकीत निर्णय

मुळगाव-डिचोली येथे 150 खाटांचे सुपर स्पेशालिटी हॉस्पिटल उभारण्याचा निर्णय ईएसआयने घेतला आहे.
Goa Health |Hospital
Goa Health |HospitalDainik Gomantak

Goa Health: मुळगाव-डिचोली येथे 150 खाटांचे सुपर स्पेशालिटी हॉस्पिटल उभारण्याचा निर्णय कर्मचारी राज्य विमा (ईएसआय) गोवा विभागाच्या प्रादेशिक मंडळाच्या बैठकीत घेण्यात आला.

मजूर आणि रोजगार मंत्री बाबूश मोन्सेरात यांच्या अध्यक्षतेखाली शुक्रवारी मंडळाची 52 वी बैठक पार पडली. या बैठकीसाठी महसूल सचिव संदीप जॅकिस, आयुक्त राजू गवस, ख्रिस्तोफर फोन्सेका, तसेच विविध कामगार संघटनांचे नेते तथा मंडळाचे सदस्य उपस्थित होते. या बैठकीत ईएसआय सोसायटीची स्थापना करण्याचा निर्णय घेण्यात आला.

Goa Health |Hospital
Goa Government: वर्षाच्या सुरुवातीलाच गोवेकरांना वीज दरवाढीचा शॉक

ईएसआयच्या योजनेद्वारे गोमेकॉ किंवा इतर हॉस्पिटलमध्ये, तसेच डायग्नोस्टिक केंद्रांमध्ये कॅशलेस सेवा पुरविण्यावर विचार करण्यात आला. मुळगावातील इस्पितळ उभारणीच्या कामाला येत्या दोन महिन्यांत सुरुवात करण्यात येणार असून, ते काम दोन वर्षांत पूर्ण होणार आहे.

Goa Health |Hospital
Goa Tourism: पर्यटन खात्याचा 31 हॉटेलमालकांना दणका

त्याशिवाय मंडळावर जैव वैद्यकीय अभियंता तसेच सुपर स्पेशालिटी हॉस्पिटलमध्ये अर्धवेळ डॉक्टरांची नेमणूक करण्यावर चर्चा करण्यात आली. वेर्णा औद्योगिक वसाहतीमध्ये ईएसआयच्या ओपीडीचे स्थलांतर करण्याचा निर्णय घेण्यात आला आहे. त्याचा फायदा औद्योगिक वसाहतीतील कर्मचाऱ्यांना होईल, असे मोन्सेरात यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com