'बंगाल'ने मदत नाकारल्याने ‘त्या’ महिलेवर गोव्यात उपचार

आरोग्यमंत्री विश्‍वजीत राणे यांनी घेतली दखल
Vishwajit Rane
Vishwajit Rane Dainik Gomantak

पणजी : आर्थिक अडचणींमुळे महागातला उपचार होऊ शकत नाही. त्याचबरोबर बंगालमधील ममता बॅनर्जी सरकारनेही मदतीपासून किनारा केल्याने कोलकात्यातील 51 वर्षीय महिलेवर गोव्याचे आरोग्य मंत्री विश्वजीत राणे यांनी मोफत उपचार करण्याचे आश्‍वासन दिले आहे. या उपचाराचा खर्च स्वतः मंत्री राणे उचलणार आहेत. केंद्र सरकारच्या आयुष्यमान कार्ड ही योजना बंगालमध्ये लागू करण्यात आली नसल्याने त्या महिलेला स्तनाच्या कर्करोगावर उपचार करणे अवघड होऊन बसले होते.

स्तनाचा कर्करोग असल्याने त्या महिलेला उपचारासाठी कोलकात्यामध्ये 15 लाख रुपये खर्च येणार होता. ही खर्चाची रक्कम उभा करणे या कुटुंबाला शक्य नव्हते. त्यामुळे ही बाब गोव्याचे मुख्यमंत्री विश्वजित राणे यांच्या कानावर पडली. त्यांनी तत्काळ त्या महिलेच्या पतीबरोबर संपर्क साधण्याची व्यवस्था केली. त्यांना त्या महिलेवर गोव्यात मोफत उपचार करण्यात येईल, अशी ग्वाही दिली.

रुबी कौर यांच्या आजाराची माहिती मिळाल्याने राणे यांनी यंत्रणेला सत्येंद्र सिंह यांचा नंबर शोधून काढायला सांगितला. सत्येंद्र यांच्याशी संपर्क झाल्यानंतर मंत्री राणे यांनी त्यांना रुबी यांच्या उपचाराविषयी माहिती घेतली आणि गोव्यात त्यांच्यावर उपचार केले जातील, तो खर्च आपण करणार आहे, अशी माहिती राणे यांनी दिली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com