राज्यात पुढील दोन दिवस जोरदार वाऱ्यासह मुसळधार पाऊसाची शक्यता

Heavy rain expected next two days in Goa
Heavy rain expected next two days in Goa

पणजी: राजधानी पणजीसह राज्याला आज संध्याकाळी मेघगर्जनेसह पावसाने झोडपून काढले. दुपारपासूनच आकाशात काळ्या ढगांची दाटी जाणवत होती व उष्माही वाढला होता. त्यानंतर जोरदार वाऱ्यासह पावसाचे आगमन झाले ते मध्यरात्रीपर्यंत कायम होते.

राज्यभरात आज विजेच्या लखलखाटासह पावसाच्या जोरदार सरी कोसळल्या असून उद्या शनिवार (ता. १२) पासून राज्याच्या काही भागांत पुढील दोन दिवस मुसळधार पावसाची शक्‍यता वेधशाळेने वर्तवली आहे. राज्यातील काही भागांत जोरदार पावसाचा अंदाज आहे. 

राज्यात गेल्या काही दिवसांपासून क्वचितच पावसाची एखादी सर कोसळत आहे; मात्र आज संध्याकाळी ढग दाटून आले होते. राज्याच्या ग्रामीण भागात काही ठिकाणी हलक्‍या सरी पडल्या. पणजी, म्हापसा, काणकोण परिसरात जोरदार पाऊस झाला.

पणजीत आज २९ अंश सेल्सिअस कमाल तर २५.५ अंश सेल्सिअस किमान तापमानाची नोंद झाली. संध्याकाळी पावसामुळे वातावरणात गारवा निर्माण झाला होता. तो रात्री कायम होता. मध्‍यरात्रीच्‍या दरम्‍यान सुमारे तासभर जोरदार पाऊस पडला. 

सिंधुदुर्ग, बेळगाव येथेही जोरदार वाऱ्यासह पाऊस पडला. त्‍यामुळे तेथील जनजीवनावरही परिणाम झाला. काही ठिकाणी पूर आले. 

संपादन: ओंकार जोशी

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com