राज्यात पावसाचा जोर ओसरला

पणजी, 

राज्यातील पावसाचा जोर सद्यःस्थितीत ओसरला आहे. परंतु समुद्र किनाऱ्याच्या वाऱ्याची स्थिती ‘जैसे थे’ आहे. समुद्रकिनारी वाऱ्याचा वेग ताशी ४० ते ५० किलोमीटर इतका असल्याने मासेमारी करणाऱ्या लोकांना समुद्रानजिक न जाण्याचा इशारा देण्यात आला आहे. गोवा वेधशाळेने दिलेल्या माहितीनुसार, सोमवारी आणि मंगळवारीही राज्यात पावसाची शक्यता आहे.
मिळालेल्या माहितीनुसार, गेल्या चोवीस तासात म्हापसा येथे १५०.० मि.मी., पेडणे येथे ११५.८ मि. मी., पणजी येथे ०४८.० मि. मी., जुने गोवा येथे ०५०.० मि. मी., साखळी येथे ००५.६ मि. मी., काणकोण येथे ०५९.२ मि. मी., मडगाव येथे ०१४.० मि. मी., मुरगाव येथे ०४७.६ मि. मी., केपे येथे ००८.५ मि. मी., सांगे येथे ००९.६ मि. मी. अशी पावसाची नोंद झाली आहे.