ओपा-खांडेपारातील हॉटेलात घुसला मालवाहू ट्रक!

अपघातापूर्वी हे विद्यार्थी बस आल्याने तेथून निघून गेल्यामुळे अनर्थ टळला.
ओपा-खांडेपारातील हॉटेलात घुसला मालवाहू ट्रक!
Heavy truck accident at closed hotel near junction at KhandeparDainik Gomantak

फोंडा: ओपा - खांडेपार येथील जंक्शनजवळील बंद हॉटेलात मालवाहू अवजड ट्रक घुसल्याने या दुकानाची मोठी हानी झाली. यावेळी पार्किंग केलेली दुचाकी मोटारसायकलही ट्रकच्या खाली आल्याने या दुचाकीचीही मोडतोड झाली. सुदैवाने यावेळी तेथे कुणीच नसल्याने जीवितहानी टळली. मात्र, ट्रक, दुकान व दुचाकीचे मोठे नुकसान झाले.

Heavy truck accident at closed hotel near junction at Khandepar
21 वर्षीय युवतीची गळफास घेऊन आत्महत्या

हा अपघात काल शुक्रवारी सकाळी पावणे अकराच्या सुमारास घडला. बाराचाकी अवजड मालवाहू ट्रक फोंड्याहून बेळगाव मार्गे जाताना हा अपघात घडला. या तिठ्यावर बससाठी थांबलेले हायस्कूलचे चार विद्यार्थी सुदैवाने वाचले. अपघातापूर्वी हे विद्यार्थी बस आल्याने तेथून निघून गेल्यामुळे अनर्थ टळला.

Heavy truck accident at closed hotel near junction at Khandepar
काँग्रेसमधून हकालपट्टीनंतर ‘तृणमूल’च्या गोटात ‘ट्रोजन’

या अवजड मालवाहू ट्रकचालकाचे ट्रकवरील नियंत्रण गेल्याने ट्रक अचानक रस्त्याच्या बाजूला असलेल्या हॉटेलात घुसला. हे हॉटेल सध्या बंद असल्याने तसेच दुकानाच्या बाजूने ट्रक येत असल्याचे पाहून तेथे असलेल्या लोकांनी पळ काढला. त्यामुळे अनर्थ टळला. दरम्यान, सरकारने उड्डाणपुलाच्या जोडरस्‍त्याचे काम मार्गी लावून हा महामार्ग पूर्ण करावा, येत्या चार महिन्यात हे काम पूर्ण न झाल्यास आंदोलन करण्याचा इशाराही ग्रामस्थांनी दिला आहे.

खांडेपार येथील नवीन पुलाच्या जोडरस्त्याचे काम त्वरित पूर्ण करण्याची गरज आहे. सार्वजनिक बांधकाम खात्याने हे काम पूर्ण केल्यास वाहतुकीचा ताण कमी होईल.

- संदीप खांडेपारकर, माजी सरपंच, कुर्टी - खांडेपार

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com