Baga: बागा-कळंगुट येथील गोवा पर्यटन विकास महामंडळाच्या वाहन पार्किंगस्थळी एक खासगी हेलिकॉप्टर उतरवण्यात आले. मात्र, हे हेलिकॉप्टर कुठून आले, याचा उलघडा होऊ शकला नाही. हा धक्कादायक प्रकार गुरुवारी (ता.12) दुपारी घडला. याचे काही व्हिडिओ सोशल मीडियावर व्हायरल झाले होते.
या वाहनतळापासून अवघ्या काही किलोमीटर अंतरावर आग्वाद-सिकेरी या ठिकाणी हेलिकॉप्टर उतरवण्यासाठी खास हेलिपॅड आहे. कोणतेही विशेष असे कारण नसताना या सार्वजनिक पार्किंगतळी हेलिकॉप्टर उतरवण्याची परिस्थिती का निर्माण झाली?, याविषयी चर्चा होत आहे.
या बागा पार्किंगस्थळी पे-पार्किंग शुल्क घेण्यासाठी जीटीडीसीकडून कंत्राटदार एजन्सीची नियुक्ती केली आहे. या ठिकाणी वाहने पार्किंग करण्याची व्यवस्था आहे. असे असतानाही परस्पररित्या हेलिपॅडची निर्मिती केल्याबद्दल ग्रामस्थांनी नाराजी व्यक्त केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
