Govind Gaude: 'त्या' लिपिकाला बडतर्फ केल्यावरून क्रीडा मंत्री गोविंद गावडेंना हायकोर्टाची नोटीस

गोपनीय माहिती सोशल मीडियात केली होती शेअर
Govind Gaude
Govind GaudeDainik Gomantak

Govind Gaude: क्रीडा व युवा व्यवहार संचालनालय कार्यालयातील कनिष्ठ लिपिकाला बडतर्फ केल्यावरून उच्च न्यायालयाने राज्याचे क्रीडा मंत्री गोविंद गावडे यांना नोटीस पाठवली आहे.

गोपनीय माहिती सोशल मीडियावर शेअर केल्याचा ठपका ठेऊन या कर्मचाऱ्याला बडतर्फ करण्याची कारवाई करण्यात आली होती. त्याला संबंधित कर्मचाऱ्याने उच्च न्यायालयात आव्हान दिले होते. त्याची न्यायालयाने गंभीर दखल घेतली आहे.

Govind Gaude
Vasco-Okha Train: गोव्यातून थेट गुजरातसाठी रेल्वे; वास्को-ओखा विशेष एक्सप्रेस 'या' तारखेपासून सुरू होणार

उच्च न्यायालयाच्या खंडपीठाने क्रीडामंत्री गावडे यांच्यासह क्रीडा खात्याच्या कार्यकारी संचालकांना नोटीस बजावली आहे. या प्रकरणी पुढील सुनावणी 11 एप्रिल रोजी होणार आहे. विजयकुमार शिरोडकर असे संबंधित कनिष्ठ लिपिकाचे नाव आहे.

त्यांनी याचिकेत राज्याचे मुख्य सचिव, राज्य सरकार, क्रीडा मंत्री गोविंद गावडे, क्रीडा व युवा व्यवहार संचालक आणि कार्यकारी संचालक यांना प्रतिवादी केले आहे. बडतर्फीच्या आदेशाबाबत केलेली सर्व प्रक्रिया मागवून घेण्याची मागणी याचिकेत केली आहे.

Govind Gaude
Goa Highway: राष्ट्रीय महामार्ग 66 चे होणार रूंदीकरण; संपादित जमिनीचे सर्व्हेक्षण सुरू

गोव्यात झालेल्या 17 वर्षांखालील महिला फुटबॉल विश्वचषकाच्या कार्यक्रमाचे 3.04 कोटी रुपयांचे कंत्राट निविदा न काढता एका कार्यक्रम व्यवस्थापन कंपनीला दिले, ही गोपनीय माहिती सोशल मीडियावर व्हायरल झाली होती.

त्याबद्दल कार्यकारी संचालकांनी सर्व कर्मचाऱ्यांना ‘कारणे दाखवा’ नोटीस बजावली होती. सर्व कर्मचाऱ्यांना क्रीडामंत्र्यांसमोर बोलावून शिरोडकर यांच्यावर संशय ठेवण्यात आला होता. त्यानंतर शिरोडकर यांना सेवेतून बडतर्फ करण्यात आले होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com