हिंदूंनी संघटित व्हावे : सुभाष वेलिंगकर

फोंडा : गोव्यातील पोर्तुगिजांच्या जुलमी राजवटीवेळी झालेल्या अत्याचाराची माहिती देण्यासाठी राज्यात लवकरच ‘गोवा फाईल्स’ गोमंतकीयांसमोर ठेवली जाणार आहे. बाटाबाटीच्यावेळी हिंदू बांधवांवर झालेल्या अत्याचाराची माहिती युवा पिढीला व्हावी यासाठी आता ‘गोवा फाईल्स’चा दुसरा भाग येत आहे.

हिंदू संघटित झाले नाहीत तर मागच्या पानावरून प्रकरण पुढे चालू राहणार आहे. त्यासाठी सावध व्हा, अशी हाक राज्यातील भारत माता की जय संघाचे राज्य संघचालक प्रा. सुभाष वेलिंगकर यांनी दिली.

रामनाथी-फोंडा येथे सुरू असलेल्या हिंदू अधिवेशनातील पोर्तुगिजांच्या बाटाबाटीच्या काळात झालेल्या अत्याचारासंबंधीच्या चर्चेवेळी वेलिंगकर यांनी चर्चच्या माध्यमातून झालेल्या अत्याचारावर बोट ठेवले. यावेळी स्वामी आत्मस्वरुपानंद, परमात्मा महाराज तसेच सनातन संस्थेचे राष्ट्रीय प्रवक्ते चेतन राजहंस आदी उपस्थित होते.