Land Scam: पणजीत हॉलिडे कंपनीला 2.5 कोटींचा गंडा

दोघांवर गुन्हा- ताळगावातील जमीन परस्पर विकून फसवणूक
Money |Land Issue
Money |Land IssueDainik Gomantak

Land Issue: मे. न्यू वेव्ह हॉलिडे कंपनीच्या संचालकांनी ताळगाव येथील खरेदी केलेली जमीन परस्पर दुसऱ्याला विकून अडीच कोटींचा गंडा घातल्याने दोनापावला येथील एलॉय ए. एन. एस. गोन्साल्विस ऊर्फ इलॉई गोन्साल्विस आणि जेनेट ऊर्फ जानेट ऊर्फ जनिता ऊर्फ जेनेट गोन्साल्विस या दोघांविरुद्ध पणजी पोलिसांनी गुन्हा दाखल केला आहे.

पणजी पोलिसांनी दिलेल्या माहितीनुसार तक्रारदार कंपनीचा संचालक सुनील छुगानी याने ताळगाव येथील सर्वे क्रमांक .242/1, 236/अ व 244/अ मधील जमीन संशयिताकडून खरेदी केली होती.

या जमिनीसाठी त्यांनी अडीच कोटी रुपये दिले होते. त्यानंतर संशयितांनी हीच जमीन तक्रारदाराला कोणतीही कल्पना न देता दिल्ली येथील इंडिया ओशन वर्ल्ड प्रा. लि. या कंपनीचे प्रोप्रायटर अजय धवन यांना विकली होती.

संशयितांना ही जमीन तक्रारदाराला विकल्याचे माहीत होते, तरी त्यांनी परस्पर दुसऱ्याला जमीन विकण्याचा हा व्यवहार पूर्ण करून तक्रारदाराची फसवणूक केली.

Money |Land Issue
Goa Crime: गौरी खून प्रकरणातील बिद्रेला कैद्यांकडून मारहाण

तक्रारदाराने पैसे परत करण्यास संशयितांना सांगितले मात्र, त्याने ते देण्यास नकार दिला. उलट संशयिताने तक्रारदाराला धमकी दिल्याचे तक्रारीत नमूद करण्यात आले आहे. या प्रकरणी पणजी पोलिस अधिक तपास करीत आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com