गोव्यात असंही एक घर; जिथे जायला रस्ताच नाही

मांद्रे परिसरातील मर्डीवाडा येथे फिलिप्स डिकुन्हा यांना घरी जाण्यासाठी लाकडी पुलाचा आधार
Home in Mandrem Goa
Home in Mandrem GoaDainik Gomantak

पणजी : गोवा म्हटलं की आपल्यासमोर सुंदर समुद्रकिनारे, भव्यदिव्य प्राचीन मंदिरं, भले मोठे रस्ते असंच काहीसं चित्र उभं राहतं. यामुळेच गोव्याला पर्यटकांकडून पहिली पसंतीही मिळते. मात्र गोव्यात एक घर असंही आहे ज्याकडे जायला साधा रस्ताही नाही असं जर कुणी सांगितलं तर विश्वास बसेल?. मात्र हे खरं आहे. पेडणे तालुक्यातील मांद्रे भागात एक घर असं आहे ज्याकडे जाण्यासाठी लाकडी पुलाचा आधार घ्यावा लागतोय.

Home in Mandrem Goa
Home in Mandrem GoaDainik Gomantak

उत्तर गोव्यातील मांद्रे मतदारसंघातील मर्डीवाडा येथील एक कुटुंब आजही आपल्या घरापर्यंत पक्क्या रस्त्याची वाट पाहातंय. फिलिप्स डिकुन्हा यांच्या घराकडे जाण्यासाठी साधी वाटही नसल्यामुळे त्यांची आणि कुटुंबीयांची तारेवरची कसरत सुरु असते. घराकडून गावात जाण्यासाठी त्यांनी शेतात एक लाकडी पूल बांधला आहे. मात्र या पुलावरुन जातानाही त्यांना आपला जीव धोक्यात घालावा लागतोय.

Home in Mandrem Goa
धक्कादायक; कोलवा सौंदर्यीकरणाचे वाजले तीनतेरा

मोरजी मर्डीवाडा येथील फिलिप्स यांनी घरापर्यंत जाण्यासाठी लाकडी पूल उभा करून आपल्या कुटुंबियांची सोय केली आहे. मात्र ना त्यांच्याघरी गाडी नेता येते, ना पक्का रस्ता त्यांना जाण्यासाठी उपलब्ध आहे. लाकडी पूलही छोटा आणि कमकुवत असल्यामुळे पुलावरुन ये-जा करताना डिकुन्हा कुटुंबीयांना जीव मुठीत घेऊन प्रवास करावा लागतोय. एखाद्यावेळी घरातील कुणी आजारी पडलं तर त्यांना रुग्णालयात कसं नेणार हा प्रश्न नेहमी डिकुन्हा कुटुंबासमोर उभा राहतो. त्यामुळे सरकारने आणि स्थानिक लोकप्रतिनिधींनी आपल्याला पक्का रस्ता बनवून द्यावा अशी माफक अपेक्षा डिकुन्हा कुटुंबीय करताना दिसताहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com