मिरामारनंतर आता मोरजी समुद्रकिनारी कार, तेलंगणाचा चालक पोलिसांच्या ताब्यात

पेडणे पोलिसांनी हैद्राबाद, तेलंगणा येथील कार चालकाला ताब्यात घेतले आहे.
Car On Morjim Beach
Car On Morjim BeachDainik Gomantak

Car On Morjim Beach: नुकतेच मिरामार बीचवर एक कार जाऊन अडकून पडली, पणजी पोलिसांनी तात्काळ कारवाई करत कार चालकाविरोधात गुन्हा दाखल करत, कार जप्त केली.

दरम्यान, अशीच एक घटना मोरजी समुद्रकिनाऱ्यावर घडली आहे. पेडणे पोलिसांनी हैद्राबाद, तेलंगणा येथील कार चालकाला ताब्यात घेतले आहे.

नरेल्ला सुरेश (वय 38, रा. तेलंगणा) असे पोलिसांनी ताब्यात घेतलेल्या कार चालकाचे नाव आहे. शिवोली किनारी पोलिसांनी त्याला ताब्यात घेऊन पेडणे पोलिसांच्या स्वाधिन केले. त्याच्या ताब्यातील वाहन आंध्रप्रेदश पासिंग (AP 28 At 9916) असलेले आहे.

मिळालेल्या माहितीनुसार, आज (शुक्रवारी) सकाळी ही घटना घडली, सुरेश त्याच्या ताब्यातील कार घेऊन मोरजी समुद्रकिनाऱ्यावर वाळूतून फेरफटका मारताना आढळून आला. शिवोली किनारी पोलिसांना याबाबत माहिती मिळताच त्यांनी तात्काळा त्याला थांवबून ताब्यात घेतले. दरम्यान, त्यानंतर कायदेशीर कारवाईसाठी त्याला पेडणे पोलिसांच्या स्वाधिन करण्यात आले आहे.

राज्यात येणारे काही पर्यटक नियमांचे उल्लंघन करत समुद्रकिनाऱ्यावर बेदरकारपणे वाहन चालवतात किंवा बीचवर वाहन घेऊन जाण्यास बंदी असताना देखील तिथे घेऊन जातात. यामुळे वाहन चालक इतरांचा जीव धोक्यात घाऊन शांतता भंग करतात. प्रशासनाने वारंवार आवाहन केले असताना नियमांचे उल्लंघन करताना दिसतात.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com