जिप्सीच्या बोनेटवर बसून हैद्राबादच्या तरूणाची स्टंटबाजी, कळंगुट पोलिसांनी फाडले 'तालांव'

कळंगुटमधून एक व्हायरल व्हिडिओ समोर आला असून, पोलिसांनी तात्काळ त्याच्यावर कारवाई केली आहे.
calangute
calangute dainik gomantak

गोव्यात येणारे पर्यटक जीवघेणे स्टंट करण्यासह वाहतूकीचे नियम देखील खुलेआम मोडताना दिसतात. अशा प्रकारच्या घटना वारंवार समोर आल्या आहेत. बीचवर वाहन घेऊन जाणे असो की, रस्त्यावर स्टंट करणे असो गोवा पोलिसांनी वारंवार अशा घटनांविरोधात सक्त कारवाई केली आहे. तसेच, अशा गोष्टींना राज्यात वाव दिला जाणार नसल्याची सक्त ताकीद देखील दिली आहे.

दरम्यान, कळंगुटमधून एक व्हायरल व्हिडिओ समोर आला असून, पोलिसांनी तात्काळ त्याच्यावर कारवाई केली आहे.

मिळालेल्या माहितीनुसार, आंध्र प्रदेश परवाना धारक एक जिप्सी कार कळंगुट मुख्य रस्त्यावरून जाताना दिसत आहे. या जिप्सीवर एक तरूण बोनेटवर बसला असून इतरजण गाडीत बसलेले दिसत आहेत. स्थानिकांनी त्यांना हात दाखवत फोटोची विनंती केल्याचे भासवत व्हिडिओ चित्रित केला. दरम्यान, हाच व्हिडिओ सोशल मिडियावर प्रचंड प्रमाणात व्हायरल झाला.

स्थानिकांनी यावेळी तरूणांना गावाचे नाव विचारले असता, त्यांनी हैद्राबाद असे सांगितले. पोलिसांनी तात्काळ या व्हिडिओ दखल घेत, कारवाई केली.

calangute
गोव्यात आता सहावी ते 12 वीच्या विद्यार्थ्यांना 'लैंगिक हिंसेपासून बचाव आणि पौगंडावस्था' यावर शिक्षण

कळंगुट पोलिसांनी तात्काळ या वाहनाचा शोध घेऊन संबधित वाहन चालकाविरोधात दंडात्मक कारवाई केली आहे. कळंगुट वाहतूक पोलिसांनी विविध गुन्हे वाहतूक नियमांचे उल्लंघन केल्याप्रकरणी वीस हजार रूपयांचा दंड ठोठावला आहे.

पोलिसांनी जिप्सी वाहन देखील जप्त केले असून, या कारवाईचा अहवाल न्यायालयाकडे पाठवला जाणार असल्याची माहिती मिळाली आहे.

दरम्यान, उत्तर गोवा पोलिसांनी या घटनेचा हवाला देत अशा प्रकारच्या कृत्यांची अजिबात गय केली जाणार नाही असे म्हटले आहे. कायदा आणि प्रशासन तुम्ही केलेल्या चुकीच्या कृतीविरोधात कायदेशीर कारवाई करेल असे त्यांनी ट्विट करत म्हटले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com