म्हापसा : विकासकामांना चालना देताना मी मतदारसंघातील पंचायत मंडळांवर अथवा पंचायतसदस्यांवर मी अवलंबून नाही. मतदारांशी माझा थेट संबंध असल्याने मी त्यांच्यावरच विसंबून आहे व त्यांच्यावरच माझा विश्वास आहे, असे हळदोणेचे आमदार ॲड. कार्लुस फरेरा यांनी पत्रकारांशी बोलताना आज रविवारी स्पष्ट केले.
आमदार फरेरा म्हणाले, मतदारांशी थेट संबंध ठेवण्यावरच भर देऊन त्यांच्या समस्या जाणून घेऊन सोवण्याच्या दृष्टीने मी प्रयत्नशील आहे. असे करण्यातच मी समाधान मानतो. विधानसभा निवडणुकीवेळी मला पाठिंबा देणाऱ्या पंचायत सदस्यांची संख्या विरोधक उमेदवारांपेक्षा खूपच कमी होती; परंतु तरीसुद्धा मतदारांशी स्नेहसंबंध ठेवल्यानेच मी आमदारपदी निवडून येऊ शकलो, असेही त्यांनी सांगितले.
पंचायत निवडणुका पुढे ढकलण्याच्या विषयासंदर्भात आपले मत काय, असे विचारले असता ॲड. फेरेरा म्हणाले, या विषयावर मतप्रदर्शन करून मला त्या वादात पडायचे नाही. कारण तो कायदेशीर तथा राजकीय मुद्दा आहे. या निवडणुका आता लवकरच घेतल्या आणि पुढे ढकलल्या तरीसुद्धा आमची पूर्ण तयारी आहे. पंचायत निवडणुका कधीही झाल्या तरी आम्हाला कोणताही फरक पडणार नाही, असेही त्यांनी ठामपणे सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
