यंदा इफ्फित व्हिडीओ स्ट्रीमिंग सेवांना महोत्सवासाठी आमंत्रित

इफ्फीच्या इतिहासात प्रथमच नेटफ्लिक्स, ॲमेझॉन, झी 5 आणि व्हायाकॉम यासारखे प्रमुख ओटीटी प्लॅटफॉर्म्स बातम्या, मास्टरक्लास व इतर कार्यक्रमांतून सहभागी होत आहेत.
यंदा इफ्फित व्हिडीओ स्ट्रीमिंग सेवांना महोत्सवासाठी आमंत्रित
यंदा इफ्फित Dainik Gomantak

आशियातील सर्वात जुना आणि भारतातील सर्वात मोठा आंतरराष्ट्रीय चित्रपट महोत्सव म्हणून ओळखल्या जाणाऱ्या इफ्फीने, त्याच्या पाच दशकांहून अधिक प्रवासात यंदा प्रथमच, व्हिडीओ स्ट्रीमिंग सेवांना महोत्सवासाठी आमंत्रित केले आहे. अमॅझोन प्राइम व्हिडीओने या इफ्फी त त्यांच्या असणाऱ्या सिनेमा आणि इतर उपक्रमांच्या लाईनअपचे अनावरण केले. यामध्ये त्यांच्या ‘छोरी’ या भयपटाचा जागतिक प्रीमियर, विविध मास्टर क्लासेस आणि देशातल्या सर्जनशील लोकांशी होणाऱ्या परिसंवादांचा समावेश आहे. इफ्फी आणि ओटीटी प्लॅट्फॉर्मचा हा सहयोग सिनेमा कलेतील उत्कृष्टतेला चालना देण्याच्या समान उद्दिष्टांना पाठबळ देईल.

व्हिडीओ स्ट्रीमिंगमधील उल्लेखनीय वाढ, ग्राहकांच्या मनोरंजनाच्या गरजा पूर्ण करण्यात त्याची वाढती भूमिका यामुळे सर्जनशील अर्थव्यवस्थेच्या एकूण वाढीला चालना मिळाली आहे. गेल्या पाच वर्षांत भारतात मनोरंजनाच्या क्षेत्रात घेतलेल्या काही पावलांमुळे, ओटीटी प्लॅट्फॉर्म आज सर्व भाषांमधील काही उत्तम कथा आणि कथाकारांचे घर बनले आहे.

यंदा इफ्फित
गोव्यात आजपासून सिनेमोत्सव,सिनेताऱ्यांची मांदियाळी

गेल्या काही वर्षांमध्ये, ओटीटी प्लॅट्फॉर्मनी स्थानिक भाषेतील कथांना व्यापक व्यासपीठ देण्यात महत्त्वाची भूमिका बजावली आणि त्यामुळे भाषिक आणि भौगोलिक सीमा हटून 240 हून अधिक देश आणि प्रांतांमध्ये आंतरराष्ट्रीय पोच असलेल्या ओटीटी प्लॅटफॉर्मनी उत्कृष्ट भारतीय स्थानिक, अस्सल कथांना जागतिक स्तरावर नेण्यात महत्त्वपूर्ण भूमिका बजावली आहे.

Related Stories

No stories found.
Dainik Gomantak | दैनिक गोमन्तक
www.dainikgomantak.com