भारतीय तंत्रज्ञान संस्था (IIT Goa), गोवा केंद्रीय शिक्षण मंत्रालयाच्या 'एक भारत श्रेष्ठ भारत' उपक्रमांतर्गत 'युवा संगम' कार्यक्रमाचा दुसरा टप्पा गोव्यात आयोजित केला जाणार आहे. 15 ते 21 मे 2023 या कालावधीत हिमाचल प्रदेश आणि लडाखमधील 50 विद्यार्थी गोव्याला भेट देणार आहेत.
विद्यार्थी जनसंवाद, राज्याचा इतिहास, संस्कृती आणि परंपरा जाणून घेतील तसेच गोव्याविषयी माहिती देणाऱ्या विविध उपक्रम आणि कार्यक्रमांमध्ये सहभागी होण्याची संधी त्यांना मिळणार आहे.
‘युवा संगम’ अंतर्गत हिमाचल प्रदेशातील 35 आणि लडाखमधील 10 विद्यार्थी आणि कर्मचारी असा एकूण 50 जणांचा चमू 15 मे रोजी गोव्यात दाखल होणार आहे.
या कार्यक्रमाचा उद्देश राष्ट्रीय एकात्मता वाढवणे आणि देशाच्या विविध भागांतील समृद्ध सांस्कृतिक वारशांची ओळख विद्यार्थ्यांना करुन देणे हा आहे. विद्यार्थ्यांची भेट पर्यटन, परंपरा, प्रगती (विकास) परस्पर संपर्क आणि तंत्रज्ञान या पाच विस्तृत क्षेत्रांवर केंद्रित आहे.
गोव्याचे राज्यपाल पी. एस. श्रीधरन पिल्लई, मुख्यमंत्री डॉ. प्रमोद सावंत आणि कला आणि संस्कृती, क्रीडा मंत्री गोविंद गावडे ‘युवा संगम’ दरम्यान विद्यार्थ्यांशी संवाद साधतील.
गोव्यातील 50 विद्यार्थी हिमाचल प्रदेशला रवाना होणार
आयआयटी मंडी (हिमाचल प्रदेश) यांनी आयोजित केलेल्या ‘युवा संगम’ साठी गोव्यातील 50 विद्यार्थी 15 मे रोजी हिमाचल प्रदेशला रवाना होतील.
'युवा संगम' कार्यक्रम उच्च शैक्षणिक संस्थांमध्ये शिकणाऱ्या विद्यार्थ्यांसाठी दौऱ्यांचे आयोजन करण्यासंदर्भात निगडीत आहे. या कार्यक्रमातून जीवनासंदर्भातील विविध पैलू, प्रगतीच्या पाऊलखुणा, नवीन संधी आणि विविध राज्यात युवकांशी संवादाने जोडण्याचा अनुभव देते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
