Margao : मडगावात बेकायदा होर्डिंग्स; कामतांचा निषेध

शॅडो कौन्सिलची तक्रार; कुतिन्हो यांनी नगरपालिकेला केली यादी सादर
illegal Hoardings
illegal HoardingsDainik Gomantak

शॅडो कौन्सिल फॉर मडगावने (एससीएम) मडगावचे आमदार दिगंबर कामत आणि त्यांच्या नगरसेवकांचा मडगावमध्ये बेकायदेशीरपणे बॅनर, होर्डिंग उभारल्याबद्दल निषेध केला. यात उच्च न्यायालय आणि महापालिका प्रशासन संचालनालय यांच्या निर्देशांचे हे उल्लंघन असल्याचे सावियो कुतिन्हो म्हणाले.

मडगाव नगरपालिकेच्या मुख्याधिकाऱ्यांना सादर केलेल्या निवेदनात नोव्हेंबरमध्ये शॅडो कौन्सिल फॉर मडगावने दिवाळीच्या सणात उभारलेल्या बॅनर, होर्डिंगची यादी पालिकेला सादर केली होती. या सणामध्ये नगरपालिकेच्या कार्यक्षेत्रात लावलेल्या होर्डिंग्स आणि बॅनरविषयी महसूल वसूल करण्यासाठी कोणतेही प्रयत्न केले नसल्याचे म्हटले होते.

illegal Hoardings
Goa Taxi : कन्नड महासंघाच्या कार्यक्रमाला जाणारे मुख्यमंत्री स्थानिकांचे प्रश्न कधी सोडवणार? मनोज परबांचा टोला

आता ख्रिसमस व नवीन वर्षासाठी पालिका क्षेत्रात आमदार आणि नगरसेवक यांच्याकडून शुभेच्छांचे नवीन बॅनर, होर्डिंग्ज पुन्हा लावले आहेत. उच्च न्यायालयातील याचिकेच्या अनुषंगाने होर्डिंग्ज व बॅनर लावण्यावर बंदी असतानाही या राजकारण्यांनी आदेशाचे उल्लंघन केले आहे, असे ते म्हणाले. आमदार दिगंबर कामत यांचे ख्रिसमसच्या शुभेच्छा असलेले हे होर्डिंग मडगावमध्ये लावले आहेत. याविषयी त्यांनी परवानगी घेतली आहे का, याची पडताळणी होणे गरजेचे असल्याचे ते म्हणाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com