मोरजी येथील कथीत बेकायदा डोंगरकाप प्रकरण चिघळले

मुख्यमंत्र्यांनी हस्तक्षेप न केल्यास रक्तपाताची स्थानिकांना भीती
मोरजी येथील कथीत बेकायदा डोंगरकाप प्रकरण चिघळले
morjim Dainik Gomantak

मोरजी क्षेत्रात डोंगर माळरानावर मोठ्या प्रमाणात डोंगर कापून बेकायदा बांधकाम चालू असल्याची लेखी तक्रार मोरजी येथील मयुर शेटगावकर यांनी गेल्या काही दिवसांपुर्वी केली होती. तक्रार करताना बेकायदा बांधकामावर आणि डोंगर कापणीवर त्वरित कारवाईची मागणी ही केली गेली होती. मोरजी येथील हे कथीत बेकायदा डोंगरकापणी प्रकरण चिघळले असुन यामुद्यावरुन स्थानिक नागरिक संतप्त झाले आहेत.

morjim
70 पैकी 10 टक्केच पाणी गोव्याला!

येथील भुखंड व्यवहारात सर्वच राजकिय पक्षांचे नेते गुंतले असल्याचं बोलल जात असुन स्थानिकांना जीवे मारण्याच्या धमक्या येऊ लागल्या आहेत. मुख्यमंत्र्यांनी तत्काळ हस्तक्षेप न केल्यास रक्तपात घडण्याची भीती स्थानिकांनी व्यक्त केली आहे. त्यामुळे मुख्यमंत्री डॉ. प्रमोद सावंत याबाबत काय भुमिका घेतात हे पाहणे महत्वाचं ठरणार आहे.

morjim
सत्तरीत डेंग्यूचे 30 संशयित रुग्ण!

काय आहे मोरजी कथीत बेकायदा डोंगरकाप प्रकरण

मोरजी पंचायत क्षेत्रात डोंगर माळरानावर मोठ्या प्रमाणात डोंगर कापून बेकायदा बांधकाम चालू असल्याची लेखी तक्रार मोरजी येथील मयुर शेटगावकर यांनी मोरजी पंचायतीकडे केली होती. मोरजी पंचायत क्षेत्रातील सर्वे क्रमांक 245 / 8245/2424 124 / 224/4 या सर्वेमध्ये मोठ्या प्रमाणात डोंगर कापणी आणि बेकायदा बांधकाम चालू असल्याची तक्रार मयुर शेटगावकर यांनी मोरजी पंचायतीला दिलेली होती.

पंचायत क्षेत्रातील किनारी भागातील मोठया प्रमाणात जमिनी विकून संपल्यानंतर आता जमीन दलाल आणि दिल्ली व्यावसायिकांच्या नजरा डोंगर माळरानावर गेल्या असून, निसर्गाचा रहास करत मोठया प्रमाणात दिल्लीतील अनेक हॉटेल मालक, उद्योजक, चित्रपट नगरीतील व्यावसायिक, क्रिकेटपट यांनी डोंगर माळरानावरील जमिनी विकत घेतलेले आहेत.

जमिनी विकत घेऊन फार्महाउस नावाच्या खाली मोठ मोठे बंगले बेकायदापणे बांधलेले आहेत. त्यावर कोणीही कारवाई करू शकत नाही. थेट त्यांचे हात केंद्र सरकार पर्यंत पोचल्याने केंद्र सरकारच्या सहकार्याने हे बेकायदा काम सुरू असल्याचे चित्र मोरजी पंचायत क्षेत्रातील डोंगर माळरानावर नजर मारल्यास दिसून लागल्याची चर्चा नागरिकांत दबक्या आवाजात सुरु आहे .

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.