कळंगुटमध्ये सापडले दोन बेकायदा मसाज पार्लर; पोलिसांनी 25 स्पांची केली पाहणी

गोव्यात केवळ 166 स्पा-मसाज पार्लर हे नोंदणीकृत आहेत.
कळंगुटमध्ये सापडले दोन बेकायदा मसाज पार्लर; पोलिसांनी 25 स्पांची केली पाहणी
Goa Police Dainik Gomantak

कळंगुट : पोलिसांनी बुधवारी कळंगुट पोलीस ठाण्याच्या हद्दीतील मसाज पार्लर व स्पांची तपासणी केली. दरम्यान, एकूण 25 मसाज पार्लर आणि स्पा तपासण्यात आले. यातील 20 बंद आढळून आले. कार्यरत आढळलेल्या 5 मसाज पार्लरपैकी दोन मसाज पार्लर अधिकाऱ्याने घालून दिलेल्या अटींचे उल्लंघन करत असल्याचे निदर्शनात आले.

Goa Police
मडगावातही भरतो कामगारांचा ‘बाजार’!

या 2 पार्लरविरोधातील क्लोजर रिपोर्ट पुढील आवश्यक कारवाईसाठी पाठवण्यात येत असल्याची माहिती पोलिसांनी दिली. सीएम सावंत यांनी राज्यातील सर्व बेकायदेशीर मसाज पार्लरवर कारवाई करण्याची घोषणा केली आहे.

Goa Police
म्हापसा मार्केटमध्ये ‘पार्किंग’च्या नावाने लूट

गोव्यात केवळ 166 स्पा-मसाज पार्लर हे नोंदणीकृत आहेत. गेल्या दहा वर्षात पाच मसाज पार्लरचा परवाना रद्द केला गेला आहे. हे परवाने मसाज पार्लरच्या मालकांनी स्वतः अर्ज करून रद्द करवून घेतले आहेत. परंतु गेल्या दहा वर्षात, बेकायदेशीर कृत्यात सहभागी असल्याच्या कारणाने एकही मसाज पार्लर बंद झालेला नाही, अशी माहिती ‘अर्ज’ या संस्थेने माहिती हक्क कायद्यांतर्गत मिळवली आहे.

अर्ज (अन्याय रहित जिंदगी) ही स्वयंसेवी संस्था 1998 पासून व्यावसायिक लैंगिक शोषणासाठी होणाऱ्या मानवी तस्करीविरोधात काम करते. त्याशिवाय ही संस्था लैंगिक शोषणातून सुटका करून राज्याच्या संरक्षणात असलेल्या महिला आणि मुलींना पुनर्वसन सेवाही पुरवते. मसाज पार्लरवर छापा टाकताना पोलिसांना ‘अर्ज’ वेळोवेळी साहाय्य करते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com