Digmbar Kamant: ‘मी रिटायर्ड हर्ट’, पण ‘आऊट’ नाही! दिगंबर कामत

सध्या फक्त विश्रांती घेत असल्याचा खुलासा
Digmbar kamat
Digmbar kamatDainik Gomantak

मडगाव: दिगंबर कामत भाजपात जाणार की काँग्रेसमध्येच राहणार याबाबत सध्या राजकीय वर्तुळात वेगवेगळ्या चर्चांना ऊत आलेला असताना, ‘मी रिटायर्ड हर्ट’ झालेलो आहे. याचा अर्थ मी ‘आऊट’ झालेलो नाही. मी अजूनही ‘नॉट आऊट’च आहे’, असे सूचक उद्‌गार त्यांनी शनिवारी काढले.

शनिवारी पत्रकारांनी त्यांना त्यांच्या राजकीय स्थितीबद्दल विचारले असता, माझ्याबद्दल यापूर्वीही अफवा पसरत होत्या, आताही त्या पसरत आहेत. पण मी त्याची पर्वा करत नाही. मी त्यांना उत्तर देण्यास कटिबद्ध नाही. मी फक्त मडगावच्या मतदारांना उत्तर देण्यास कटिबद्ध आहे. सध्या तरी माझे आत्मपरीक्षण सुरू आहे व कोणताही निर्णय मी घेतलेला नाही.

Digmbar kamat
स्‍मृती इराणी फॅमिली रेस्टॉरंटच्‍या परवान्याची चौकशी करा - डिमेलो

ते पुढे म्हणाले, मी किंचितही डिस्टर्ब नाही. मी मानसिकदृष्ट्या खंगलेलोही नाही. सत्ता असो किंवा नसो मला काही फरक पडत नाही. जोपर्यंत मडगावकर माझ्याबरोबर आहेत, तोपर्यंत आणखी कोण काय म्हणतो याची मी पर्वाही करत नाही, असे त्यानी म्हटले.

मी ‘रिटायर्ड हर्ट’ याचा कुणी वेगळा अर्थ घेऊ नये. मी सध्या विश्रांती घेत आहे. त्यासाठीच मला कोणतीही जबाबदारी देऊ नका एव्हढेच मी त्यांना सांगितले होते, असे ते म्हणाले.

काँग्रेस आमदार फोडण्याचा तुमचा प्रयत्न होता का? असे विचारले असता कामत म्हणाले, कोण मला ‘फुटीचा कॅप्टन’ म्हणतो, तर कोण ‘व्हाईस कॅप्टन’ म्हणतो. मी कोलकात्याहून शनिवारी आल्यावर थेट पर्तगाळ येथे गेलो. दुसऱ्या दिवशी मी माझ्या घरीच होतो. त्या दिवशी मला भेटायला काही आमदार आले होते ही गोष्ट जरी खरी असली, तरी मी त्यांना घरातून हाकलून लावायला पाहिजे होते का असा प्रतिसवाल त्यांनी केला. मला जर तोडफोड करायची असती तर मी घरी बसलो असतो का असा सवाल त्यांनी केला.

Digmbar kamat
Panchayat Elections: मुरगावात सहाव्या दिवशी 71 उमेदवारांनी भरला उमेदवारी अर्ज

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com